పాపం ఎంత దుస్థితి.. రష్యాలో చక్కెర కోసం కొట్టుకున్నారు?
ఇప్పటికే పాశ్చాత్య దేశాల ఆర్థిక చట్రంలో ఇరుక్కుపోయిన రష్యాలో ఇక ప్రజలందరూ కూడా తీవ్ర ఇబ్బందులకు గురవుతున్నారు అనేది తెలుస్తుంది. మరీ ముఖ్యంగా నిత్యావసరాల లభ్యత కూడా చాలా తక్కువగా మారిపోయింది. దీంతో వరద బాధితులు ఆహారం కోసం ఎదురు చూసినట్లుగా.. ఇక ఇప్పుడు రష్యా లో ఉన్న ప్రజలు నిత్యవసర సరుకులు ఎక్కడ ఉన్నాయా అని ఎదురుచూస్తున్నారు. ఎక్కడైనా కనిపిస్తే పోటీపడి మరీ ఇక నిత్యావసరాలను తగ్గించుకుంటున్నారు. దీనికి సంబంధించిన వీడియో ఒకటి ప్రస్తుతం సోషల్ మీడియాలో వైరల్ గా మారిపోయింది.
కేవలం ఒక్కరూ 10 కేజీల చక్కెర మాత్రమే కొనుగోలు చేయాలంటూ కొన్ని దుకాణాలు పరిమితిని విధించాయి. దీంతో ఇక ఇటీవలే ఒక దుకాణంలో చిన్నపాటి తోపులాట కూడా జరిగింది. ఇక రష్యాలో ఆర్థిక సంక్షోభం ఏర్పడుతున్న నేపథ్యంలో పంచదార ధర ఆకాశాన్ని అంటుతుంది. ఇక పాశ్చాత్య దేశాల ఆంక్షల కారణంగా రష్యాలో ద్రవ్యోల్బణం పెరిగి పోయింది. 2015 తర్వాత అత్యధిక స్థాయికి చేరుకుంది. ఈ క్రమంలోనే ఇటీవలే ఒక షాపులో ఏకంగా చక్కర కోసం కొంత మంది జనాలు పోటీపడ్డారు. అంతేకాదు చక్కర కోసం ఒకరినొకరు తోసుకుంటూ మరి చక్కెరను దక్కించుకునేందుకు పోటీపడ్డారు. ఈ వీడియో రష్యా లో ఎలాంటి పరిస్థితి ఉంది. కళ్ళకు కట్టినట్లుగా చూపిస్తుంది అని నెటిజన్లు అంటున్నారు..