‘ఉస్తాద్’ స్టేజ్పై ఇద్దరు భామల మాస్ ఎనర్జీ!
హైదరాబాద్లో జరిగిన‘ఉస్తాద్ భగత్ సింగ్’ ప్రీ-రిలీజ్ ఈవెంట్లో పవర్ స్టార్ గర్జన ఒకెత్తయితే, ఈ సినిమాలో నటిస్తున్న ఇద్దరు క్రేజీ హీరోయిన్లు శ్రీలీల - రాశీ ఖన్నా తమ మాటలతో ఫ్యాన్స్కు ‘హై’ ఇచ్చారు. ఒకరు తన హుందాతనంతో, మరొకరు తన ఎనర్జీతో స్టేజ్ మీద మెగా సందడి చేశారు.ఈ ‘ఉస్తాద్’ భామల స్పీచ్లు మాత్రం సోషల్ మీడియాలో సెగ పుట్టిస్తున్నాయి.
ఢిల్లీ సోయగం రాశీ ఖన్నా పద్ధతిగా మాట్లాడుతూనే పవర్ స్టార్ ఫ్యాన్స్లో పూనకాలు తెప్పించారు."పవన్ కళ్యాణ్ గారితో నటించడం ఒక గౌరవం. అంత క్రేజ్ ఉన్నా ఆయన చూపించే సింప్లిసిటీ చూస్తుంటే ఆశ్చర్యమేస్తుంది. షూటింగ్ సమయంలో ఆయన నాకు ఇచ్చిన సపోర్ట్ ఎప్పటికీ మర్చిపోలేను" అంటూ రాశీ ఎమోషనల్ అయ్యారు.
హరీష్ శంకర్ తనపై నమ్మకం ఉంచి ఒక పవర్ఫుల్ రోల్ ఇచ్చారని చెబుతూనే.. "మీ పవర్ స్టార్ మా ఉస్తాద్ భగత్ సింగ్.. ఈ సినిమా బాక్సాఫీస్ దగ్గర తుపాను సృష్టిస్తుంది" అని స్టేట్మెంట్ ఇవ్వడంతో ఫ్యాన్స్ అరుపులతో థియేటర్ దద్దరిల్లిపోయింది.
ఇక మన ‘ధమాకా’ బ్యూటీ శ్రీలీల తన చలాకీతనంతో వేదికపై రచ్చ రచ్చ చేసింది."పవన్ గారితో స్క్రీన్ షేర్ చేసుకోవడం నా కల. ఆయన పవర్, హరీష్ శంకర్ గారి మాస్ మేకింగ్ కలిస్తే థియేటర్లలో సౌండ్ బాక్సులు పేలిపోవాల్సిందే" అంటూ తనదైన స్టైల్లో హుషారు నింపింది.ఈ సినిమాలో పవన్ కళ్యాణ్ మేనరిజమ్స్, తన డ్యాన్స్ మధ్య ఉండే సింక్ థియేటర్లలో ఈలలు వేయిస్తుందని, ప్రతి సీన్ ఒక వైబ్రేషన్ లా ఉంటుందని శ్రీలీల హామీ ఇచ్చింది. సెట్స్లో పవన్ గారి ఎనర్జీ చూసి తాను చాలా విషయాలు నేర్చుకున్నానని, ఆయన తనకు పెద్ద స్ఫూర్తి అని కొనియాడింది.
రాశీ ఖన్నా తన స్పీచ్తో క్లాస్ మెప్పు పొందితే, శ్రీలీల తన మాస్ ఎనర్జీతో పవర్ స్టార్ సైనికుల్లో జోష్ నింపింది. ఇద్దరు ముద్దుగుమ్మలు పవన్ కళ్యాణ్ పై ప్రశంసల వర్షం కురిపించడంతో ‘ఉస్తాద్’ సినిమాపై అంచనాలు ఆకాశాన్ని తాకాయి.