మన శంకర వరప్రసాద్ గారు : టార్గెట్ 122 కోట్లు.. ఇప్పటివరకు లెక్క ఇదే..?
టాలీవుడ్ ఇండస్ట్రీ లో సూపర్ సాలిడ్ క్రేజ్ కలిగిన సీనియర్ స్టార్ హీరోలలో ఒకరు అయినటువంటి మెగాస్టార్ చిరంజీవి తాజాగా మన శంకర వర ప్రసాద్ గారు అనే మూవీ లో హీరోగా నటించాడు. ఈ సినిమాలో నయనతార హీరోయిన్గా నటించగా ... అనిల్ రావిపూడి ఈ సినిమాకు దర్శకత్వం వహించాడు. భీమ్స్ సిసిరిలీయో ఈ మూవీ కి సంగీతం అందించగా ... షైన్ స్క్రీన్ , గోల్డ్ బాక్స్ బ్యానర్ల పై సాహు గారపాటి , సుష్మిత కొణిదెల సంయుక్తంగా నిర్మించారు. ఈ మూవీ ని జనవరి 12 వ తేదీన విడుదల చేశారు. ఇప్పటివరకు ఈ సినిమాకు సంబంధించిన 23 రోజుల బాక్సా ఫీస్ రన్ కంప్లీట్ అయింది. ఈ 23 రోజుల్లో ఈ సినిమాకు ప్రపంచ వ్యాప్తంగా వచ్చిన కలెక్షన్స్ ఎన్ని అనే వివరాలను తెలుసుకుందాం.
23 రోజుల్లో ఈ సినిమాకు నైజాం ఏరియాలో 46.14 కోట్ల కలెక్షన్లు దక్కగా , సిడెడ్ లో 22.77 కోట్లు , ఉత్తరాంధ్ర లో 22.38 కోట్లు , ఈస్ట్ లో 15.63 కోట్లు , వెస్ట్ లో 9.96 కోట్లు , గుంటూరు లో 11.21 కోట్లు , కృష్ణ లో 10.91 కోట్లు , నెల్లూరులో 6.94 కోట్ల కలెక్షన్లు వచ్చాయి. మొత్తంగా 23 రోజుల్లో రెండు తెలుగు రాష్ట్రాల్లో కలిపి ఈ మూవీ కి 145.81 కోట్ల షేర్ ... 223.80 కోట్ల గ్రాస్ కలెక్షన్లు దక్కాయి. ఇక 23 రోజుల్లో ఈ మూవీ కి కర్ణాటక , రెస్ట్ ఆఫ్ ఇండియాలో కలుపుకొని 13.48 కోట్లు , ఓవర్సీస్ లో 19.37 కోట్ల కలెక్షన్లు దక్కాయి. మొత్తంగా 23 రోజుల్లో ఈ మూవీ కి ప్రపంచ వ్యాప్తంగా 178.66 కోట్ల షేర్ ... 294 కోట్ల గ్రాస్ కలెక్షన్లు దక్కాయి. ఈ సినిమాకి 120.70 కోట్ల ప్రీ రిలీజ్ బిజినెస్ జరగగా ... ఈ మూవీ 122 కోట్ల బ్రేక్ ఈవెన్ టార్గెట్ తో బరి లోకి దిగింది. ఈ సినిమా ఇప్పటికే బ్రేక్ ఈవెన్ ఫార్ములా ను కంప్లీట్ చేసుకుని ఇప్పటికే 56.66 కోట్ల లాభాలను అందుకుంది.