సోషల్ మీడియాలో ప్రస్తుతం ఒక వార్త హాట్ టాపిక్‌గా మారింది. స్టార్ హీరోయిన్ రష్మిక మందన్నకు సంబంధించిన ఈ న్యూస్ సినీ అభిమానులతో పాటు రాజకీయ వర్గాల్లో కూడా ఆసక్తిని రేపుతోంది. “రష్మిక మందన్న అర్జెంట్గా పవన్ కళ్యాణ్ అపాయింట్మెంట్ కోరిందట” అనే టాక్ ఒక్కసారిగా వైరల్ అవుతోంది. ఈ వార్త వినగానే చాలామంది ఆశ్చర్యపోతున్నారు. ఒక సినీ హీరోయిన్, అది కూడా నేషనల్ క్రష్‌గా గుర్తింపు పొందిన రష్మిక మందన్న, పవన్ కళ్యాణ్‌ను ఎందుకు కలవాలి? అసలు విషయం ఏంటి? అనే ప్రశ్నలు సోషల్ మీడియాలో ట్రెండ్ అవుతున్నాయి.

పవన్ కళ్యాణ్ ప్రస్తుతం కేవలం సినిమా హీరో మాత్రమే కాదు. ఆయన ఆంధ్రప్రదేశ్ రాష్ట్ర ఉప ముఖ్యమంత్రిగా బాధ్యతలు నిర్వహిస్తున్నారు. రాజకీయంగా ఎన్నో కీలకమైన పనులు, ప్రజల సమస్యలు, ప్రభుత్వ కార్యక్రమాలతో ఆయన రోజంతా బిజీగా ఉంటారు. ఈ నేపథ్యంలో పవన్ కళ్యాణ్‌ను కలవాలంటే తప్పనిసరిగా ముందస్తు అపాయింట్మెంట్ అవసరం. సామాన్య ప్రజల నుంచి ప్రముఖుల వరకు ఎవరు అయినా సరే, ఆయనను కలవాలంటే నియమ నిబంధనలు పాటించాల్సిందే.ఇలాంటి పరిస్థితుల్లో రష్మిక మందన్న పవన్ కళ్యాణ్ అపాయింట్మెంట్ కోరిందన్న వార్త రావడంతో సహజంగానే ఆసక్తి పెరిగింది. అయితే దీనికి సంబంధించిన అసలు కారణం వేరే ఉందని సోషల్ మీడియాలో ప్రచారం జరుగుతోంది. అందుతున్న సమాచారం ప్రకారం, రష్మిక మందన్న త్వరలోనే పెళ్లి బంధంలోకి అడుగుపెట్టబోతుందనే టాక్ బలంగా వినిపిస్తోంది. ఫిబ్రవరి 26వ తేదీన, రాజస్థాన్‌లోని ఉదయపూర్ ప్యాలెస్‌లో విజయ్ దేవరకొండతో వివాహం చేసుకోవడానికి అన్ని ఏర్పాట్లు పూర్తయ్యాయంటూ వార్తలు చక్కర్లు కొడుతున్నాయి.

ఈ పెళ్లి వేడుక చాలా గ్రాండ్‌గా జరగబోతుందట. కుటుంబ సభ్యులతో పాటు సన్నిహితులు, సినీ ఇండస్ట్రీకి చెందిన కొందరు ప్రముఖులను మాత్రమే ఆహ్వానించనున్నారని సమాచారం. ఈ అతిథుల జాబితాలో పవన్ కళ్యాణ్ పేరు కూడా ఉన్నట్లు సోషల్ మీడియాలో చర్చ జరుగుతోంది. పవన్ కళ్యాణ్‌ను స్వయంగా పెళ్లికి ఆహ్వానించాలనే ఉద్దేశంతోనే రష్మిక మందన్న అపాయింట్మెంట్ కోరిందని టాక్ వినిపిస్తోంది. పవన్ కళ్యాణ్ అంటే రష్మిక మందన్నకు ప్రత్యేక గౌరవం ఉందని సినీ వర్గాలు చెబుతున్నాయి. ఆయన వ్యక్తిత్వం, సామాజిక బాధ్యతలు, రాజకీయ ప్రయాణం ఆమెను బాగా ప్రభావితం చేశాయట. అందుకే ఇలాంటి ముఖ్యమైన సందర్భంలో ఆయన్ను ఆహ్వానించాలనే ఆలోచన వచ్చిందని అంటున్నారు. అయితే దీనిపై ఇప్పటివరకు రష్మిక మందన్న గానీ, పవన్ కళ్యాణ్ టీమ్ గానీ ఎలాంటి అధికారిక ప్రకటన చేయలేదు.

అయినా సరే, ఈ వార్త మాత్రం సోషల్ మీడియాలో ఊహాగానాలకు తెర తీసింది. సినీ ఇండస్ట్రీలో ఇది వెరీ హాట్ టాపిక్‌గా మారిపోయింది. అభిమానులు, నెటిజన్లు ఈ వార్తపై తమ తమ అభిప్రాయాలను కామెంట్ల రూపంలో వ్యక్తం చేస్తున్నారు. కొందరు ఇది నిజమై ఉంటే చూడాలని ఆశపడుతుండగా, మరికొందరు ఇది కేవలం రూమర్ మాత్రమే అని అభిప్రాయపడుతున్నారు.ఏది ఏమైనా, రష్మిక మందన్న – విజయ్ దేవరకొండ పెళ్లి వార్తలు, పవన్ కళ్యాణ్ అపాయింట్మెంట్ టాక్ కలిసి సోషల్ మీడియాలో సంచలనంగా మారాయి. అధికారికంగా ఏ ప్రకటన వచ్చే వరకు ఇది నిజమా కాదా అనేది వేచి చూడాల్సిందే. కానీ ప్రస్తుతం మాత్రం ఈ న్యూస్ సినీ, రాజకీయ వర్గాల్లో హాట్ టాపిక్‌గా వైరల్ అవుతుండటం మాత్రం నిజం.