నారి నారి నడుమ మురారి : వారం రోజులో అందుకున్న లాభాలివే..?
టాలీవుడ్ యువ నటుడు శర్వానంద్ తాజాగా నారి నారి నడుమ మురారి అనే సినిమాతో ప్రేక్షకులను పలకరించాడు. సంయుక్తా మీనన్ , సాక్షి వైద్య ఈ సినిమాలో హీరోయిన్లుగా నటించగా ... రామ్ అబ్బరాజు ఈ సినిమాకు దర్శకత్వం వహించాడు. అనిల్ సుంకర ఈ సినిమాను నిర్మించాడు. ఈ సినిమాను ఈ సంవత్సరం సంక్రాంతి పండుగ సందర్భంగా జనవరి 14 వ తేదీన విడుదల చేశారు. ఈ సినిమాకు విడుదల అయిన మొదటి రోజు మొదటి షో కే మంచి టాక్ బాక్స్ ఆఫీస్ దగ్గర దక్కింది. దానితో ఈ మూవీ కి మంచి కలెక్షన్స్ దక్కాయి. ఇప్పటికే ఈ సినిమా బ్రేక్ ఈవెన్ ఫార్మలా ను కంప్లీట్ చేసుకుని హిట్టు స్టేటస్ను కూడా అందుకుంది. ఇప్పటివరకు ఈ సినిమాకు సంబంధించిన 7 రోజుల బాక్స్ ఆఫీస్ రన్ కంప్లీట్ అయింది. ఈ 7 రోజుల్లో ఈ సినిమాకు ప్రపంచ వ్యాప్తంగా వచ్చిన కలెక్షన్స్ మరియు వచ్చిన లాభాల వివరాలను తెలుసుకుందాం.
7 రోజుల బాక్స్ ఆఫీస్ రన్ కంప్లీట్ అయ్యే సరికి ఈ సినిమాకు నైజాం ఏరియాలో 3.45 కోట్ల కలెక్షన్లు దక్కగా , సిడెడ్ లో 85 లక్షలు , ఆంధ్ర లో 4.86 కోట్ల కలెక్షన్లు దక్కాయి. మొత్తంగా 7 రోజుల్లో ఈ సినిమాకు రెండు తెలుగు రాష్ట్రాల్లో కలిపి 9.6 కోట్ల షేర్ ... 16 కోట్ల గ్రాస్ కలెక్షన్లు దక్కాయి. 7 రోజుల్లో ఈ సినిమాకు కర్ణాటక మరియు రెస్ట్ ఆఫ్ ఇండియాలో కలుపుకొని 74 లక్షల కలెక్షన్లు దక్కగా , ఓవర్ సిస్ లో 2.84 కోట్ల కలెక్షన్లు దక్కాయి. మొత్తంగా 7 రోజుల్లో ప్రపంచ వ్యాప్తంగా ఈ సినిమాకు 12.74 కోట్ల షేర్ ... 23.50 కోట్ల గ్రాస్ కలెక్షన్లు దక్కాయి. ఈ మూవీ ప్రపంచ వ్యాప్తంగా 10.25 కోట్ల బ్రేక్ ఈవెన్ టార్గెట్ తో బాక్స్ ఆఫీస్ బరి లోకి దిగింది. దానితో ఈ సినిమా ఇప్పటికే 2.49 కోట్ల లాభాలను అందుకొని మంచి విజయాన్ని సొంతం చేసుకుంది.