మైండ్ బ్లాక్ అయ్యే ప్లాన్ వేసిన బాబి కొల్లి.. చిరుతో మరో హిట్ గ్యారెంటీ..?
టాలీవుడ్ ఇండస్ట్రీ లో దర్శకుడిగా మంచి గుర్తింపును సంపాదించుకున్న వారిలో బాబి కొల్లి ఒకరు. ఈయన కొంత కాలం క్రితం మెగాస్టార్ చిరంజీవి హీరో గా వాల్టేరు వీరయ్య అనే సినిమాను రూపొందించాడు. ఈ మూవీ 2023 వ సంవత్సరం సంక్రాంతి పండుగ సందర్భంగా విడుదల అయ్యి బాక్స్ ఆఫీస్ దగ్గర అద్భుతమైన విజయాన్ని సొంతం చేసుకుంది. బాబి తన తదుపరి మూవీ ని చిరంజీవి తో చేయబోతున్నాడు. ఇప్పటికే ఈ మూవీ కి సంబంధించిన అధికారిక ప్రకటన కూడా వెలువడింది. ఈ సినిమాకు టైటిల్ ను ఫిక్స్ చేయని నేపథ్యం లో ఈ మూవీ చిరంజీవి కెరీయర్లో 158 వ సినిమాగా రూపొందనుండడంతో మెగా 158 అనే వర్కింగ్ టైటిల్ తో ఈ సినిమాకు సంబంధించిన అధికారిక ప్రకటనను విడుదల చేశారు. ప్రస్తుతం బాబి , చిరంజీవి సినిమాకు సంబంధించిన ప్రీ ప్రొడక్షన్ పనుల్లో అత్యంత బిజీగా ఉన్నట్లు తెలుస్తోంది.
అందులో భాగంగా ఈ సినిమాకు ఓ అదిరిపోయే రేంజ్ క్రేజ్ ఉన్న సంగీత దర్శకుడిని బాబి ఓకే చేసినట్లు తెలుస్తోంది. ప్రస్తుతం వస్తున్న వార్తల ప్రకారం మెగా 158 మూవీ కి సంగీత దర్శకుడిగా ఏ ఆర్ రెహమాన్ ని తీసుకోవాలి అని బాబి ప్రయత్నాలు చేస్తున్నట్లు , అందులో భాగంగా రెహమాన్ తో సంప్రదింపులు కూడా జరుపుతున్నట్లు అన్ని ఓకే అయితే ఈ సినిమాకు రెహమాన్ సంగీతం అందించే అవకాశాలు ఉన్నట్లు ఆ వార్త వైరల్ అవుతుంది. ఈ వార్త గనుక నిజం అయితే ఈ సినిమాలపై అంచనాలు ఒక్క సారిగా తార స్థాయికి చేరిపోతాయి అని చాలా మంది భావిస్తున్నారు. కొంత కాలం క్రితం చిరంజీవి సైరా నరసింహా రెడ్డి అనే సినిమాలో హీరో గా నటించాడు. మొదట ఈ మూవీ కి రెహమాన్ సంగీతం అందించనున్నట్లు వార్తలు వచ్చాయి. కానీ ఏమైందో ఏమో తెలియదు కానీ ఈ సినిమాకు రహమాన్ సంగీతం అందించలేదు.