మునుపెన్నడూ చూడని స్టైలిష్ లుక్లో పవన్ కళ్యాణ్..!
ఆంధ్రప్రదేశ్ ఉప ముఖ్యమంత్రి, పవర్ స్టార్ పవన్ కళ్యాణ్ అభిమానులకు 2026 నూతన సంవత్సర వేళ అదిరిపోయే 'న్యూ ఇయర్ గిఫ్ట్' అందింది. ఎంతో కాలంగా ఊరిస్తున్న పవన్ కళ్యాణ్ - సురేందర్ రెడ్డి కాంబినేషన్ సినిమాపై ఎట్టకేలకు అధికారిక ప్రకటన వచ్చేసింది.చాలా కాలంగా పెండింగ్లో ఉన్న ఈ క్రేజీ ప్రాజెక్ట్ను నిర్మాత రామ్ తాళ్లూరి కొత్త ఏడాది సందర్భంగా కన్ఫర్మ్ చేశారు.ఈ చిత్రాన్ని గతంలో 'SRT ఎంటర్టైన్మెంట్స్' బ్యానర్పై నిర్మిస్తారని వార్తలు వచ్చాయి. అయితే, తాజాగా పవన్ కళ్యాణ్ ఆశీస్సులతో ఆయన పేరు కలిసి వచ్చేలా 'జైత్ర రామ మూవీస్' అనే కొత్త బ్యానర్ను ప్రారంభించి, దానిపై ప్రొడక్షన్ నెం. 1గా ఈ సినిమాను ప్రకటించారు. 'కిక్', 'రేసుగుర్రం', 'ధ్రువ' వంటి సినిమాలతో తనకంటూ ఒక ప్రత్యేక శైలిని ఏర్పరచుకున్న సురేందర్ రెడ్డి, పవన్ను మునుపెన్నడూ చూడని అత్యంత స్టైలిష్ లుక్లో చూపించబోతున్నారట.
స్టార్ రైటర్ వక్కంతం వంశీ ఈ చిత్రానికి పవర్ఫుల్ కథను అందించారు. పవన్ కళ్యాణ్ ఇందులో ఒక రిటైర్డ్ ఆర్మీ ఆఫీసర్ లేదా మిలిటరీ నేపథ్యంలో సాగే పాత్రలో కనిపిస్తారని సమాచారం.పవన్ కళ్యాణ్ కు 2025 సంవత్సరం అద్భుతంగా గడిచింది.'ఓజీ' (OG) ప్రభంజనం: గతేడాది విడుదలైన 'ఓజీ' సుమారు రూ. 300 కోట్లకు పైగా వసూళ్లు రాబట్టి, 2025లో టాలీవుడ్ హయ్యెస్ట్ గ్రాసర్గా నిలిచింది.ఉస్తాద్ భగత్ సింగ్: ప్రస్తుతం హరీష్ శంకర్ దర్శకత్వంలో వస్తున్న ఈ సినిమా షూటింగ్ ముగింపు దశలో ఉంది. 2026 వేసవిలో ఇది విడుదలయ్యే అవకాశం ఉంది.
సురేందర్ రెడ్డి మూవీ: 'ఉస్తాద్' తర్వాత పవన్ ఈ ప్రాజెక్ట్ను పట్టాలెక్కించబోతున్నారు. ప్రస్తుతం పవన్ కనిపిస్తున్న కొత్త హెయిర్ స్టైల్, గడ్డం లుక్ కూడా ఈ సినిమా కోసమేనని ఇన్సైడ్ టాక్.రాజకీయాల్లో బిజీగా ఉన్నప్పటికీ, తన కోసం ఏళ్ల తరబడి ఎదురుచూస్తున్న నిర్మాత రామ్ తాళ్లూరికి ఇచ్చిన మాట ప్రకారం పవన్ ఈ సినిమాకు గ్రీన్ సిగ్నల్ ఇచ్చారు. "నిండు హృదయంతో నా డ్రీమ్ ప్రాజెక్ట్ మొదలు పెడుతున్నాను" అంటూ రామ్ తాళ్లూరి చేసిన ట్వీట్ ఇప్పుడు సోషల్ మీడియాలో వైరల్ అవుతోంది.