ఓరి మీ దుంపల్ తెగ..అఖండ 2 ను మళ్ళీ కావాలని అడ్డుకోవాలని చూస్తున్నారా..?
ప్రస్తుతం సోషల్ మీడియాలో సినిమా ఇండస్ట్రీలో గట్టిగా చర్చనీయాంశంగా మారిన హాట్ టాపిక్ ఏంటంటే, బోయపాటి శ్రీను దర్శకత్వంలో నటసింహ నందమూరి బాలకృష్ణ హీరోగా రూపొందిన “అఖండ -2” ప్రీమియర్స్ ఎందుకు క్యాన్సిల్ అయ్యాయి? సినిమా రిలీజ్ కాకుండా అడ్డుకున్నింది ఎవరు..? అనే విషయం. ఈ సినిమా రాజకీయ పరంగా కూడా ప్రభావం చూపుతుందని, అందుకే కొన్ని వర్గాలు ఈ సినిమాపై అడ్డంకులు సృష్టిస్తున్నాయనే అనుమానాలు వ్యక్తమవుతున్నాయి.బాలయ్య సినిమా అనగానే నందమూరి అభిమానులు మాత్రమే కాకుండా అన్ని వర్గాల ప్రేక్షకుల్లో కూడా ప్రత్యేకమైన ఆసక్తి నెలకొంటుంది. ముఖ్యంగా బాలయ్య యాక్షన్ సీక్వెన్స్, మాస్ డైలాగ్స్ తెలుగు ప్రేక్షకులలో ఎప్పుడూ ఊపిరి తీసుకునేంత ఎక్స్పెక్టేషన్ను మిగులుస్తాయి. బోయపాటి దర్శకత్వం లో బాలయ్య మాస్ స్థాయి ఇంకో రేంజ్లో ఉంటుందని ఇప్పటికే అఖండ మొదటి భాగం నిరూపించింది.
అఖండ 2 పై ఇండస్ట్రీ స్థాయిలోనే భారీ బజ్ నెలకొనగా, సినిమా థియేటర్లో విడుదలవడానికి కేవలం కొన్ని గంటల ముందు వరకు భారీ కటౌట్లు, ఫ్లెక్సీలు, పూలాభిషేకాలు, పాలాభిషేకాలతో అభిమానులు సంబరాలు చేసుకున్నారు. కానీ ఆ ఆనందం ఒక్కసారిగా షాక్లా మారిపోయింది. సినిమా ప్రీమియర్స్ క్యాన్సిల్ అయ్యాయని మీడియా ద్వారా తెలిసిన వెంటనే నందమూరి అభిమానుల మనసులు ముక్కలయ్యాయి.ఇదే కాకుండా రాత్రికి రాత్రే సినిమా విడుదల కూడా వాయిదా పడటంతో అనేక రకాల కథనాలు సోషల్ మీడియాలో వినిపించాయి. కొంతమంది టెక్నికల్ సమస్యలు వచ్చాయని చెబితే, మరికొందరు ఫైనాన్షియల్ లావాదేవీల్లో ఇబ్బందులు ఎదురయ్యాయని ప్రచారం చేశారు. ఏది నిజమో తెలియని పరిస్థితి నెలకొంది.
ఇంత హంగామా జరుగుతున్న తరుణంలో, ఎట్టకేలకు అన్ని అడ్డంకులు తొలగి సినిమా విడుదలకు సిద్ధమవుతుందనగా, మళ్లీ సోషల్ మీడియాలో అఖండ–2ను టార్గెట్ చేసే నెగిటివ్ ట్రోలింగ్ మొదలైంది. సినిమా అనుకున్నంత హిట్ అవ్వదని, సినిమాపై ఇంటరెస్ట్ తగ్గిపోయిందని కావాలనే విమర్శలు చేస్తున్నట్లు కనిపిస్తోంది.దీంతో నందమూరి అభిమానులు, బాలయ్య అభిమానులు మాత్రమే కాకుండా ఇండస్ట్రీ వర్గాల దగ్గర కూడా ఒక ప్రశ్న గట్టిగా వినిపిస్తుంది. “అఖండ 2ని కావాలనే అడ్డుకోవాలని చూస్తున్నారా?” ప్రస్తుతం ఇదే ట్యాగ్ సోషల్ మీడియాలో వైరల్ అవుతోంది. అంతా చూసి బాలయ్య ఫ్యాన్స్ కూడా ఒక నిర్ణయానికి వస్తున్నారు—ఏ రాజకీయ ఒత్తిళ్లు వచ్చినా, ఏ అడ్డంకులు వచ్చినా ఒక మాస్ సినిమా, ముఖ్యంగా బాలయ్య సినిమా ఆపలేరనే నమ్మకం.