Rajasekhar: షూటింగ్ లో రాజశేఖర్ కి తీవ్ర గాయలు..హాస్పిటల్ లో అడ్మిట్..!
తెలుగు సినీమా ఇండస్ట్రీలో ప్రముఖ నటుడిగా గుర్తింపు పొందిన డాక్టర్ రాజశేఖర్ కొత్త సినిమా చిత్రీకరణ సమయంలో ప్రమాదానికి గురైన విషయం ప్రస్తుతం సినీ వర్గాల్లో ఆందోళన కలిగిస్తోంది. నవంబర్ 25న మేడ్చల్ సమీపంలో జరుగుతున్న చిత్రీకరణలో యాక్షన్ సీక్వెన్స్ తెరకెక్కిస్తుండగా ఈ ఘటన చోటుచేసుకున్నట్లు సమాచారం. ఇందులో భాగంగా, యాక్షన్ సీన్ చేస్తుండగా ఆయన కుడి కాలి మడమ వద్ద తీవ్ర గాయం అయినట్లు దగ్గరి వర్గాలు వెల్లడించాయి. వెంటనే చిత్రబృందం అప్రమత్తమై ఆయనను సమీపంలోని ఆసుపత్రికి తరలించినట్లు తెలుస్తోంది.
డాక్టర్లు చికిత్స్ చేసి రెస్ట్ తీసుకోమని చెప్పారట. రాజశేఖర్ గారి కాలి వద్ద గాయం తీవ్రమై ఉండడంతో వెంటనే శస్త్రచికిత్స చేయాల్సి వచ్చిందని వైద్య బృందం తెలిపింది. శస్త్రచికిత్స పూర్తిగా విజయవంతమైందని, ప్రస్తుతం ఆయన ఆరోగ్య పరిస్థితి స్థిరంగా ఉందని వైద్యులు స్పష్టంచేశారు. కుటుంబ సభ్యులు, సమీప బంధువులు కూడా ఆసుపత్రిలోనే ఉండి పూర్తిగా పరిస్థితిని పరిశీలిస్తున్నారని తెలిసింది.రాజశేఖర్ గారి ఆరోగ్య పరిస్థితిని దృష్టిలో ఉంచుకుని చిత్ర యూనిట్ ప్రస్తుతం చిత్రీకరణను తాత్కాలికంగా నిలిపివేసినట్లు తెలిపింది. పూర్తిగా కోలుకున్న తర్వాతనే షూటింగ్ పనులు మళ్లీ ప్రారంభిస్తామని టీమ్ పేర్కొంది. దర్శక నిర్మాతలు కూడా రాజశేఖర్ త్వరగా కోలుకొని మళ్లీ సెట్స్కి రావాలని ఆకాంక్షించారు.
ఈ ఘటన వార్త బయటకు రావడంతో నటుడు రాజశేఖర్ అభిమానులు సోషల్ మీడియాలో ఆయన ఆరోగ్యం గురించి ఆందోళన వ్యక్తం చేస్తున్నారు. ఇప్పటికే అనేక మంది అభిమానులు, సినీ ప్రముఖులు త్వరగా కోలుకోవాలని సందేశాలు పంపుతున్నారు.రాజశేఖర్ తన కెరీర్ మొత్తం ఎన్నో యాక్షన్ రోల్స్ చేసిన విషయం తెలిసిందే. ఆయనకు ప్రత్యేకమైన స్టైల్, డైలాగ్ డెలివరీ, స్క్రీన్ ప్రెజెన్స్ తెలుగు ప్రేక్షకుల హృదయాల్లో ప్రత్యేక స్థానం సంపాదించింది. ఈ కొత్త చిత్రంలో కూడా ఆయన శక్తివంతమైన పాత్రలో కనిపించనున్నారని సమాచారం.
వైద్యులు ఇచ్చిన తాజా సమాచారం ప్రకారం, ఆయన పూర్తిగా కోలుకోవడానికి కొన్ని వారాలు పట్టే అవకాశం ఉన్నప్పటికీ, ప్రాణానికి ఎటువంటి ప్రమాదం లేదని స్పష్టంచేశారు. సరైన విశ్రాంతి తీసుకుంటే త్వరగా సినిమా సెట్స్కి తిరిగి రావచ్చని వైద్య బృందం అభిప్రాయపడుతోంది.