ఆ పని చేసిన ఏకైక సీనియర్ హీరోగా రికార్డ్ కొట్టేసిన బాలయ్య..?
టాలీవుడ్ ఇండస్ట్రీ లో ఇప్పటి వరకు ఎన్నో రికార్డులను సొంతం చేసుకున్న సీనియర్ స్టార్ హీరోలలో నందమూరి బాలకృష్ణ ఒకరు. బాలకృష్ణ ఇప్పటి వరకు ఎన్నో సినిమాలలో నటించి ఎన్నో గొప్ప గొప్ప రికార్డులను సొంతం చేసుకున్నాడు. ఇకపోతే తాజాగా బాలకృష్ణ , బోయపాటి శ్రీను దర్శకత్వం లో రూపొందిన అఖండ 2 అనే పవర్ఫుల్ మాస్ యాక్షన్ ఎంటర్టైనర్ మూవీ లో హీరో గా నటించిన విషయం మనకు తెలిసిందే. సంయుక్త మీనన్ ఈ సినిమాలో హీరోయిన్గా నటించింది.
ఈ మూవీ ని డిసెంబర్ 5 వ తేదీన విడుదల చేయనున్నట్లు మేకర్స్ ప్రకటించారు. కానీ కొన్ని అనివార్య కారణాల వల్ల ఈ సినిమా విడుదల వాయిదా పడింది. ఈ సినిమా కొత్త విడుదల తేదీని ఈ మూవీ బృందం వారు ఇప్పటి వరకు అధికారికంగా ప్రకటించలేదు. ఇకపోతే ఈ సినిమాను కేవలం తెలుగు భాషలో మాత్రమే కాకుండా ఇండియా వ్యాప్తంగా చాలా భాషలలో విడుదల చేయనున్నారు. అందులో భాగంగా ఈ మూవీ ని హిందీ భాషలో కూడా విడుదల చేయనున్నారు. ఈ మూవీ ని హిందీ భాషలో విడుదల చేయనున్న ఉద్దేశం తో ఈ మూవీ బృందం వారు హిందీ లో కూడా పెద్ద ఎత్తున ప్రచారాలను చేశారు.
ఇకపోతే ఈ సినిమా కోసం స్వయంగా బాలకృష్ణ హిందీ డబ్బింగ్ చెప్పడం విశేషం. ఇప్పటి వరకు టాలీవుడ్ ఇండస్ట్రీ లో సీనియర్ హీరోలుగా కెరియర్ను కొనసాగిస్తున్న చిరంజీవి , నాగార్జున , బాలకృష్ణ కూడా తమ కెరియర్లో హిందీ లో సినిమాలలో నటించారు. కానీ ఇప్పటి వరకు ఈ ముగ్గురు హీరోలు ఎవరూ కూడా తమ సినిమాలకు హిందీ డబ్బింగ్ చెప్పలేదు. బాలకృష్ణ మొట్ట మొదటి సారి అఖండ 2 మూవీ ద్వారా హిందీ లో డబ్బింగ్ చెప్పుకొని రికార్డు కొట్టినట్లు తెలుస్తోంది. ఇకపోతే ఈ సినిమాపై ప్రస్తుతానికి ప్రేక్షకుల్లో మంచి అంచనాలు ఉన్నాయి.