అఖండ 2 సినిమా వాయిదా పడుతుంది అని ఆయనకి ముందే తెలుసా..? అందుకే ఇలా చేశాడా..?
బోయపాటి శ్రీను దర్శకత్వంలో నందమూరి బాలకృష్ణ నటించిన భారీ యాక్షన్ ఎంటర్టైనర్ ‘అఖండ 2’ విడుదలకు కేవలం కొద్ది గంటల సమయం మాత్రమే మిగిలి ఉన్న సమయంలో ఆకస్మికంగా ప్రీమియర్ షోలు, అడ్వాన్స్ బుకింగ్స్ అన్నింటినీ రద్దు చేయడంతో అభిమానుల్లో తీవ్ర నిరాశ నెలకొంది. ఇప్పటికే విడుదలైన టీజర్, ట్రైలర్తో ఈ పాన్-ఇండియా చిత్రంపై అంచనాలు ఆకాశాన్ని తాకేలా పెరిగాయి. అలాంటి సినిమా రిలీజ్ చివరి క్షణంలో ఆపేయడం వల్ల బాలయ్య అభిమానులు సోషల్ మీడియాలో తమ అసహనాన్ని బహిర్గతం చేస్తూ ఘాటు వ్యాఖ్యలు చేస్తున్నారు.
“ఇంత పెద్ద చిత్రాన్ని ఇలా హఠాత్తుగా ఆపడం ఎలా?”, “ఇంత పెద్ద ప్రాజెక్ట్కు కూడా సరైన ప్లానింగ్ ఉండదా?” అంటూ నిర్మాణ సంస్థపై విమర్శల వర్షం కురుస్తోంది. టెక్నికల్ ఇష్యూస్ కారణంగా వాయిదా వేసినట్లు మేకర్స్ ప్రకటించినా, ఆ వివరణను చాలా మంది నెటిజన్లు నమ్మడానికి సిద్ధంగా లేరు. ఇదే సమయంలో మరో ఆసక్తికరమైన వార్త సోషల్ మీడియాలో హాట్ టాపిక్గా మారింది. ‘అఖండ 2’ ప్రీ-రిలీజ్ ఈవెంట్కు తెలంగాణ ముఖ్యమంత్రి రేవంత్ రెడ్డిని చీఫ్ గెస్టుగా ఆహ్వానించారని అప్పట్లో పెద్ద ఎత్తున ప్రచారం జరిగింది. సోషల్ మీడియాలో దీని గురించి విపరీతమైన చర్చ జరిగింది. అయితే చివరికి రేవంత్ రెడ్డి ఆ ఈవెంట్కు హాజరుకాలేదు. దీనిని అప్పట్లో ఆయన ఇతర కార్యక్రమాలతో బిజీగా ఉన్నందువల్ల జరిగిందని అందరూ భావించారు.
కానీ సినిమా వాయిదా పడిన సంగతి బయటకు వచ్చిన తర్వాత పరిస్థితి పూర్తిగా మారిపోయింది. ఇప్పుడు నెటిజన్లు కొత్త కొత్త అనుమానాలు వ్యక్తం చేస్తున్నారు. రేవంత్ రెడ్డికి ముందుగానే సినిమా వాయిదా పడుతుంది అన్న సమాచారం అందిందా? ఆ కారణంగానే ఆయన ఈవెంట్కు రాలేదా? ఈ మొత్తం వ్యవహారం ఏమైనా ముందే పక్కాగా ప్లాన్ అయ్యిందిా? అంటూ సోషల్ మీడియా అంతా సందేహాలతో మంత్రముగ్ధమై ఉంది. రేవంత్ రెడ్డి ఈవెంట్కు హాజరుకాలేకపోయింది నిజంగా కేవలం షెడ్యూల్ సమస్యేనా? లేక దీనికి మరేదైనా లోతైన కారణం ఉందా? ఈ రెండు సంఘటనలను కలిపి చూసి ప్రస్తుతం సోషల్ మీడియా వినియోగదారులు తమదైన తీర్పులు చెబుతున్నారు. అయితే అసలు నిజం ఏమిటో మాత్రం అధికారికంగా ఎవరి నుండి స్పందన రాలేదు. సినిమా వాయిదా చుట్టూ జరుగుతున్న ఈ కథనం ప్రస్తుతం అభిమానులు, నెటిజన్లు, సినీ వర్గాల్లో హాట్ చర్చగా మారింది.