പ്രതീക്ഷകളെല്ലാം തെറ്റിച്ച് എമ്പുരാൻ ട്രെയിലർ! മാർച്ച് 27 ന് മലയാള സിനിമയിൽ ഒരു ചരിത്രം തന്നെ എഴുതപ്പെടും എന്ന് പ്രതീക്ഷിക്കുമെന്ന് പ്രേക്ഷകർ വിശ്വസിക്കുന്ന സിനിമ. അതിന് മുൻപ് സിനിമയുടെ ട്രെയിലർ എങ്കിലും കണ്ടാൽ മതി എന്ന് പ്രതീക്ഷിച്ചിരിക്കുമ്പോഴാണ് മാർച്ച് 20 ന് ഉച്ചയോടെ ട്രെയിലർ റിലീസ് ഉണ്ടാവും എന്ന് ഔദ്യോഗികമായ അറിയിപ്പ് ഉണ്ടായത്.
എമ്പുരാന്റെ റിലീസിന് മുൻപ് ഇന്ന്, മാർച്ച് 20 ന് ലൂസിഫർ റീ റിലീസ് നടക്കാനിരിക്കുകയാണ്. ട്രെയിലർ യൂട്യൂബിൽ എത്തുന്നതിന് മുൻപേ, ലൂസിഫർ തിയേറ്ററിൽ കാണുന്നവർക്ക് ഇടവേളയിൽ ആദ്യം ട്രെയിലർ കാണിക്കണം എന്നതായിരുന്നു അണിയറ പ്രവർത്തകരുടെ പ്ലാനിങ്. എന്നാല് എല്ലാ പ്രതീക്ഷയും തെറ്റിച്ച് ഇന്ന് നട്ടപാതിരായ്ക്ക് എമ്പുരാൻ യൂട്യൂബിലൂടെ പുറത്തുവന്നു.
എമ്പുരാന്റെ റിലീസിന് മുൻപ് ഇന്ന്, മാർച്ച് 20 ന് ലൂസിഫർ റീ റിലീസ് നടക്കാനിരിക്കുകയാണ്. ട്രെയിലർ യൂട്യൂബിൽ എത്തുന്നതിന് മുൻപേ, ലൂസിഫർ തിയേറ്ററിൽ കാണുന്നവർക്ക് ഇടവേളയിൽ ആദ്യം ട്രെയിലർ കാണിക്കണം എന്നതായിരുന്നു അണിയറ പ്രവർത്തകരുടെ പ്ലാനിങ്. എന്നാല് എല്ലാ പ്രതീക്ഷയും തെറ്റിച്ച് ഇന്ന് നട്ടപാതിരായ്ക്ക് എമ്പുരാൻ യൂട്യൂബിലൂടെ പുറത്തുവന്നു.
വൻ പ്രതീക്ഷയോടെ ആരാധകർ കാത്തിരിയ്ക്കുന്ന സിനിമയാണ് എൽ ടു എമ്പുരാൻ. ബജറ്റിന്റെ കാര്യത്തിൽ ആണെങ്കിലും പ്രേക്ഷക പ്രതീക്ഷയുടെ കാര്യത്തിലാണെങ്കിലും മലയാളത്തിൽ ഇതുവരെ പുറത്തിറങ്ങിയതിൽ ഏറ്റവും വലിയ സിനിമ എന്ന് വിശേഷിപ്പിക്കപ്പെടുന്ന എമ്പുരാന്റെ ട്രെയിലറിന്റെ പൈറസി പോലും സംരക്ഷിക്കാൻ അണിയറ പ്രവർത്തകർക്ക് കഴിഞ്ഞില്ലേ എന്നാണ് ഇപ്പോൾ ആരാധകരുടെ ചോദ്യം. അതിനിടയിലാണ് എന്തുകൊണ്ട് ഉച്ചയ്ക്ക് ഒന്നരയ്ക്ക് വരും എന്ന് പറഞ്ഞ ട്രെയിലർ വെളുപ്പിന് ഒരു മണിക്ക് വന്നത് എന്ന വാർത്തകൾ പുറത്തുവരുന്നത്. അണിയ പ്രവർത്തകരുടെ പ്രതീക്ഷകളും പദ്ധതികളും തെറ്റിച്ച് ട്രെയിലർ ലീക്ക് ആയത് കാരണമാണ്, പാതിരാത്രി യഥാർത്ഥ ട്രെയിലർ റിലീസ് ചെയ്യാൻ അണിയ പ്രവർത്തകർ നിർബന്ധിതരായത്. ട്രെയിലറിന്റെ പൂർണ രൂപമല്ല, ചില കട്‌സ് യൂട്യൂബിലൂടെ ലീക്കായി.
ഇന്നലെ വൈകിട്ടോടെയാണ് ട്രെയിലർ ലീക്കായത്, ഇത് തിരിച്ചറിഞ്ഞതോടെ ഒറിജിനൽ ട്രെയിലർ പുറത്തുവിടുകയായിരുന്നു. ആശിർവാദിന്റെ ഔദ്യോഗിക യൂട്യൂബ് ചാനലിലൂടെ പുറത്തു വന്ന എൽ ടു എമ്പുരാൻ ട്രെയിലർ ഇതിനോടകം മൂന്ന് മില്യൻ ആളുകൾ കണ്ടുകഴിഞ്ഞു. ട്രെന്റിങിലും നമ്പർ വൺ! 3 മിനിട്ട് 50 സെക്കന്റ് ദൈർഘ്യമുള്ള ട്രെയിലർ പ്രേക്ഷകരുടെ എല്ലാ പ്രതീക്ഷയും നിലനിർത്തി, അതുക്കും മേലെ ഒരൈറ്റം തന്നെയാണ്. കഥ എന്താണ് എന്നതിന്റെ സസ്‌പെൻസ് എല്ലാം ട്രെലർ സംരക്ഷിച്ചുവച്ചിട്ടുണ്ട്.
പ്രധാന കഥാപാത്രങ്ങൾ എല്ലാം വന്ന് പോകുന്നു, മ്യൂസിക്കും ക്യാമറയും എഡിറ്റിങും ഒന്നിനും ഒരെതിരഭിപ്രായവും പ്രേക്ഷകർക്കില്ല. ട്രെയിലർ ഇങ്ങനെയാണെങ്കിൽ സിനിമ എന്തായിരിക്കും എന്ന നിലയിൽ ഞെട്ടിയിരിക്കുകയാണ് ആരാധകർ. പറഞ്ഞത് ഉച്ചയ്ക്ക് 1 മണി എന്നല്ലേ, വെളുപ്പിന് ഒരു മണിയാണോ എന്ന് സംശയിച്ചുവെങ്കിലും, മാസ് മരണ മാസ് ട്രെയിലർ വന്നതോടെ നേരവും കാലവും നോക്കാതെ ജനം അതേറ്റെടുത്തു. 'ഓർക്കുക, ഈ സമയത്ത് പിശാചിനെ വിളിച്ചുവരുത്തിയത് നിങ്ങളാണ്' എന്ന ക്യാപ്ഷനോടെയാണ് പൃഥ്വിരാജ് സോഷ്യൽ മീഡിയയിലൂടെ ട്രെയിലർ പങ്കുവച്ചത്.