చిరుకోసం మరోసారి ఆయన్ను రంగంలోకి దించనున్న అనిల్ రావిపూడి.. మళ్ళీ అదే మ్యాజిక్ జరిగేనా..?
టాలీవుడ్ ఇండస్ట్రీ లో సూపర్ సాలిడ్ క్రేజ్ ను సంపాదించుకున్న దర్శకులలో అనిల్ రావిపూడి ఒకరు. ఈయన పటాస్ అనే సినిమాతో దర్శకుడిగా కెరియర్ను మొదలు పెట్టి మొదటి మూవీ తోనే మంచి సక్సెస్ ను అందుకున్నాడు. ఆ తర్వాత కూడా ఈయన దర్శకత్వం వహించిన ప్రతి సినిమా విజయాన్ని అందుకుంది. ఆఖరుగా ఈ దర్శకుడు విక్టరీ వెంకటేష్ హీరోగా సంక్రాంతికి వస్తున్నాం అనే సినిమాను రూపొందించాడు. ఈ సినిమా ఈ సంవత్సరం సంక్రాంతి పండుగ సందర్భంగా విడుదల అయిన ఈ సినిమా భారీ బ్లాక్ బాస్టర్ విజయాన్ని సొంతం చేసుకుంది. ఇకపోతే ఈ సినిమాలో చాలా కాలం తర్వాత రమణ గోగుల ఓ పాట పాడాడు. ఆ పాట అద్భుతమైన స్థాయిలో సక్సెస్ అయింది. ఈ సినిమా విజయంలో ఆ పాట కూడా అత్యంత కీలక పాత్రను పోషించింది.
ఇది ఇలా ఉంటే అనిల్ రావిపూడి తన తదుపరి మూవీ ని మెగాస్టార్ చిరంజీవి తో చేయబోతున్నాడు. ఈ మూవీ ని సాహు గారపాటి నిర్మించబోతున్నాడు. ఇప్పటికే ఈ మూవీ కి సంబంధించిన చాలా పనులు పూర్తి అయినట్లు తెలుస్తోంది. ఈ మూవీ కి సంబంధించిన ఫస్ట్ ఆఫ్ డైలాగ్ వర్షన్ తో సహా అనిల్ రావిపూడి కంప్లీట్ చేసినట్లు తెలుస్తోంది. ఈ సంవత్సరం సమ్మర్ లో ఈ మూవీ ని మొదలు పెట్టి ఈ వచ్చే సంవత్సరం సంక్రాంతికి ఆ సినిమాను విడుదల చేసే ఆలోచనలో అనిల్ రావిపూడి ఉన్నట్లు తెలుస్తోంది. ఇకపోతే చిరంజీవి తో తీయబోయే సినిమాలో కూడా అనిల్ రావిపూడి , రమణ గోగుల తో ఓ పాట పాడించడానికి రెడీ అయినట్లు , మరికొన్ని రోజుల్లోనే ఆ పాటను కూడా రికార్డింగ్ చేయబోతున్నట్లు తెలుస్తోంది. మరి సంక్రాంతికి వస్తున్నాం సినిమాలో రమణ గోగుల పాడిన పాటకు అద్భుతమైన రెస్పాన్స్ జనాల నుండి వచ్చింది. మరి చిరు , అనిల్ కాంబోలో రాబోయే సినిమాలో రమణ గోగుల పాడే పాటకు అదే రేంజ్ రెస్పాన్స్ వస్తుందో లేదో తెలియాలి అంటే మరి కొన్ని రోజులు వేచి చూడాల్సిందే.