ఎవరూ చేయని పని చేస్తున్న అనుష్క.. స్వీటీని మెచ్చుకోవాల్సిందే!
ఈ అందాల భామ టాలీవుడ్ స్టార్ హీరో అక్కినేని నాగార్జున నటించిన సూపర్ సినిమాతో సినీ ఇండస్ట్రీలోకి అడుగుపెట్టింది. ఈ సినిమాకి డైరెక్టర్ పూరీ జగన్నాథ్ దర్శకత్వం వహించారు. ఆ తర్వాత ఈమె విక్రమార్కుడు, లక్ష్యం, అస్త్రం, బిల్లా, డాన్, అరుంధతి, బలాదూర్, చింతకాయల రవి, బాహుబలి తదితర చిత్రాలలో నటించింది. స్వీటీ అరుంధతి సినిమాతో మంచి గుర్తింపును సొంతం చేసుకుంది. ఈ సినిమాలో జేజమ్మ పాత్రను పోషించి అభిమానులను ఔర అనిపించింది. అనుష్క జేజమ్మ పాత్ర పోషించిన తర్వాత ఆమె క్రేజ్ మరింత పెరిగింది. ఆ తర్వాత ఈమె ఆ టైమ్ లో ఉన్న టాప్ హీరోస్ చిరంజీవి, నాగార్జున, ప్రభాస్, వెంకటేష్, రవితేజతో నటించింది.
ఇటీవల అనుష్క మిస్ శెట్టి మిస్టర్ పోలిశెట్టి సినిమా తో ప్రేక్షకుల ముందుకి వచ్చింది. ఈ సినిమా తర్వాత అనుష్క ఇతర సినిమాలలో కనిపించలేదు. అయితే ప్రస్తుతం స్వీటీ ఘాటి పాన్ ఇండియా సినిమాతో రానుంది. ఘాటి మూవీకి క్రిష్ జాగర్లముడి దర్శకత్వం వహిస్తున్నారు. ఈ మూవీకి యూవీ క్రియేషన్స్ పతాకంపై రాజీవ్ రెడ్డి, సాయిబాబా జాగర్లమూడి సంయుక్తంగా నిర్మిస్తున్నారు. విక్రమ్ ప్రభు ఈ సినిమాలో ముఖ్యపాత్ర పోషిస్తున్నారు. ఈ ఏడాది ఏప్రిల్ 18న రిలీజ్ కానుంది. ఘాట్ మూవీలో అనుష్క మంచి పవర్ ఫుల్ పాత్రలో కనిపించనుంది అంట. ఇక ఈ విషయం తెలిసిన అభిమానులు, స్వీటీని మెచ్చుకోవాల్సిందే అంటూ పొగుడుతున్నారు.