ആക്ഷൻ മോഡിൽ വീണ്ടും ആന്റണി പെപ്പെ! ഗോവിന്ദ് വിഷ്ണു സംവിധാനം ചെയ്യുന്ന ഫാമിലി ആക്ഷൻ ചിത്രമയ ദാവീദ് ഫെബ്രുവരി 14 ന് തിയറ്ററുകളിലെത്തും. സമ്പൂർണ്ണമായും ബോക്സിംഗ് പശ്ചാത്തലത്തിൽ ഒരുങ്ങുന്ന ചിത്രത്തിൽ ആഷിഖ് അബു എന്ന ബോക്സർ കഥാപാത്രത്തെയാണ് ആന്റണി വർഗീസ് അവതരിപ്പിക്കുന്നത്. കഥാപാത്രത്തിനു വേണ്ടി ആന്റണി ശരീരഭാരം കുറയ്ക്കുകയും പ്രത്യേക പരിശീലനം നേടുകയും ചെയ്തിരുന്നു. ലിജോ മോളാണ് ദാവീദിൽ ആന്റണി വർഗീസിന്റെ നായികയായി എത്തുന്നത്.ആർഡിഎക്സ്, കൊണ്ടൽ പോലുള്ള ചിത്രങ്ങളിലൂടെ ആക്ഷൻ സിനിമാ ലോകത്ത് തന്റേതായ ഇടം കണ്ടെത്തുകയാണ് ആന്റണി വർഗീസ് പെപ്പെ.
ആ ലിസ്റ്റിലേക്ക് ഇനി ദാവീദും. എഡിറ്റിംഗ് രാകേഷ് ചെറുമഠം, പ്രൊഡക്ഷൻ ഡിസൈനർ രാജേഷ് പി വേലായുധൻ, സൗണ്ട് ഡിസൈൻ രംഗനാഥ് രവി. ചീഫ് അസോസിയേറ്റ് സുജിൻ സുജാതൻ. കാസ്റ്റിംഗ് ഡയറക്ടർ വൈശാഖ് ശോബന കൃഷ്ണൻ. കോസ്റ്റ്യൂം മെർലിൻ ലിസബത്ത്, പ്രദീപ് കടക്കശ്ശേരി. മേക്കപ്പ് അർഷദ് വർക്കല. ലൈൻപ്രൊഡ്യൂസർ ഫെബി സ്റ്റാലിൻ. പ്രൊഡക്ഷൻ കൺട്രോളർ നോബിൾ ജേക്കബ്. വി എഫ് എക്സ് കോക്കനട്ട് ബഞ്ച്. സ്റ്റിൽസ് ജാൻ ജോസഫ് ജോർജ്. ഡിജിറ്റൽ ബ്രാൻഡിംഗ് ഫ്രൈഡേ പേഷ്യന്റ്. പബ്ലിസിറ്റി ഡിസൈൻസ് ടെൻപോയിന്റ്.ഗോവിന്ദ് വിഷ്ണുവും ദീപു രാജീവുമാണ് ചിത്രത്തിന്റെ തിരക്കഥ എഴുതിയിരിക്കുന്നത്. കോസ്റ്റ്യൂം മെർലിൻ ലിസബത്ത്, പ്രദീപ് കടക്കശ്ശേരി. മേക്കപ്പ് അർഷദ് വർക്കല. ലൈൻപ്രൊഡ്യൂസർ ഫെബി സ്റ്റാലിൻ. പ്രൊഡക്ഷൻ കൺട്രോളർ നോബിൾ ജേക്കബ്.
71 ദിവസത്തോളം നീണ്ട ഷൂട്ടിംഗ് ആണ് ചിത്രത്തിനുണ്ടായിരുന്നത്. ആക്ഷന് പ്രാധാന്യമുള്ള ചിത്രത്തിന്റെ ആക്ഷൻ കൊറിയോഗ്രാഫി നിർവഹിച്ചിരിക്കുന്നത് പിസി സ്റ്റണ്ട്സ് ആണ്. ജസ്റ്റിൻ വർഗീസ് ചിത്രത്തിന്റെ സംഗീതസംവിധാനവും സാലു കെ തോമസ് ക്യാമറയും നിർവഹിച്ചിരിക്കുന്നു.സെഞ്ച്വറി മാക്സ്, ജോൺ ആൻഡ് മേരി പ്രൊഡക്ഷൻസ്, പനോരമ സ്റ്റുഡിയോസ്, എബി എബ്രഹാം, ടോം ജോസഫ് എന്നിവരാണ് ചിത്രത്തിന്റെ നിർമാണം നിർവഹിച്ചിരിക്കുന്നത്. വിജയരാഘവൻ, സൈജു കുറുപ്പ്, കിച്ചു ടെലസ്, അജു വർഗീസ്, ജെസ് കുക്കു, വിനീത് തട്ടിൽ തുടങ്ങിയവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ഈജിപ്ഷ്യൻ താരം മോ ഇസ്മായിലും നിരവധി മാർഷ്യൽ ആർടിസ്റ്റുകളും ചിത്രത്തിൽ അണിനിരക്കുന്നുണ്ട്.
