ప్రస్తుతం హీరోలంతా పాన్ ఇండియా సినిమాల వైపు అడుగులు వేస్తున్నారు .. 2025లో ప్రేక్షకులు ముందుకు వచ్చే సినిమాలలో పాన్ ఇండియా స్థాయి ఉన్న సినిమాలు ఏంటో ఒకసారి చూద్దాం. ముందుగా గ్లోబల్ స్టార్ రామ్ చరణ్ శంకర్ కాంబినేషన్లో తెరకెక్కిన గేమ్ ఛెంజర్ ఈ సంక్రాంతి సందర్భంగా జనవరి 10న ప్రేక్షకులు ముందుకు రానుంది .. ఇదే 2025లో వస్తున్న తొలి పాన్‌ ఇండియా మూవీ .. ఇక తర్వాత నాగచైతన్య - సాయి పల్లవి కాంబినేషన్లో స్టార్ట్ దర్శకుడు చందు మొండేటి కార్తికేయ 2 లాంటి పాన్ ఇండియా హిట్‌ తర్వాత తెరకెక్కిస్తున్న మూవీ తండేల్‌ .. ఈ సినిమా కూడా ఫిబ్రవరి 7న ప్రేక్షకుల ముందుకు రాబోతుంది. ఆంధ్రప్రదేశ్ డిప్యూటీ సీఎం పవర్ స్టార్ పవన్ కళ్యాణ్ నటిస్తున్న హరిహర వీరమల్లు మూవీ కూడా పాన్ ఇండియా స్థాయిలో తెరకెక్కింది .. క్రిష్ - జ్యోతి కృష్ణ తెర్కక్కించిన ఈ సినిమాను మార్చ్ 28 పాన్ ఇండియా స్థాయిలో ప్రేక్షకుల ముందుకు తీసుకురాబోతున్నారు.

పాన్ ఇండియా హీరో ప్రభాస్ తెలుగు దర్శకుడు మారుతి కాంబినేషన్లో వస్తున్న ది రాజాసాబ్‌ కూడా పాన్ ఇండియా మూవీ గానే తెర్కక్కుతుంది .. ఈ సినిమా కూడా 2025 సమ్మర్ కానుకగా ఏప్రిల్ 10న ప్రేక్షకులు ముందుకు రానుంది. టాలీవుడ్ స్టార్ హీరోయిన్ అనుష్క చాలా గ్యాప్ తీసుకుని క్రిష్ దర్శకత్వ ఘాటి సినిమాతో పాన్ ఇండియా స్థాయిలో సమ్మర్ కానుకగా ఏప్రిల్ 18న ప్రేక్షకుల ముందుకు రాబోతుంది. అలాగే మంచు ఫ్యామిలీ ఎంతో ప్రతిష్టాత్మకంగా తెరకెక్కిస్తున్న మంచు విష్ణు హీరోగా వస్తున్న కన్నప్ప సినిమా కూడా పాన్ ఇండియా స్థాయిలో ఏప్రిల్ 25న ప్రేక్షకుల ముందుకు రాబోతుంది. నాచురల్ స్టార్ నాని శ్రీనిధి శెట్టి కలిసి నటిస్తున్న హిట్ 3 సినిమాని కూడా దర్శకుడు శైలేశ్ కొలను పాన్ ఇండియా స్థాయిలో మే 1న‌ ప్రేక్షకుల ముందుకు తీసుకురాబోతున్నాడు. ఇక మ్యాన్ ఆఫ్ మాస‌స్ ఎన్టీఆర్ , మొదటిసారిగా బాలీవుడ్ లో హృతిక్ రోషన్ తో కలిసి వార్ 2 మూవీలో నటిస్తున్నాడు .. ఇక దర్శకుడు అయాన్ ముఖర్జీ ఇప్పటికే ఈ సినిమాకు సంబంధించిన షూటింగ్‌ను చాలా వరకు పూర్తి చేశాడు .. ఇండిపెండెన్స్ డే కానుకగా ఆగస్టు 14న ఈ సినిమా పాన్ ఇండియా స్థాయిలో ప్రేక్షకుల ముందుకు రానుంది.

నట‌సింహం నందమూరి బాలకృష్ణ , బోయపాటి శ్రీను కాంబోలో వచ్చిన అఖండ సినిమాకు సీక్వల్ గా వస్తున్న అఖండ తాండవం 2 కూడా ఈసారి పాన్ ఇండియా లెవెల్ లో బోయపాటి ప్రళయతాండవం చూపించబోతున్నాడు .. ఈ సినిమా కూడా దసరా కానుకగా సెప్టెంబర్ 25 న ప్రేక్షకుల ముందుకు రానుంది. అలాగే ఈ సినిమాలే కాకుండా సాయిధరమ్ తేజ్ హీరోగా నటిస్తున్న సంబరాల ఏటిగట్టు సినిమా కూడా పాన్ ఇండియా స్థాయిలో సెప్టెంబర్ 25న ప్రేక్షకులు ముందుకు రానుంది. రిష‌భ్ శెట్టి హీరోగా తెరకెక్కిస్తున్న కాంతారా సిక్వెల్ కాంతారా  ఫస్ట్ చాప్టర్ సినిమా కూడా అక్టోబర్ 2న పాన్ ఇండియా స్థాయిలో విడుదల కానుంది .. ఇవే కాకుండా హనుమాన్ తర్వాత తేజ సబ్జా నటిస్తున్న మరో పాన్ ఇండియా మూవీ మిరాయి కూడా పాన్ ఇండియా మూవీగా  ఏప్రిల్ 18న ప్రేక్షకుల ముందుకు రానుంది .. ఇలా ఈ 2025లో ప్రతి నెల ఒక పాన్ ఇండియా సినిమాతో తెలుగు హీరోలు ఇండియన్ సిన‌మాను షేక్ చేయడానికి రెడీగా ఉన్నారు.