శ్రీ లీల వల్ల లక్కీ ఛాన్స్ కొట్టేసిన మీనాక్షి.. వర్కౌట్ అయితే స్టార్ హీరోయిన్ అయినట్టే..?
టాలీవుడ్ ఇండస్ట్రీలో అద్భుతమైన గుర్తింపును సంపాదించుకున్న యువ నటీమణుల్లో శ్రీ లీల ఒకరు. ఈమె టాలీవుడ్ ఇండస్ట్రీ లోకి ఎంట్రీ ఇచ్చిన తక్కువ కాలంలోనే అద్భుతమైన గుర్తింపును సంపాదించుకొని స్టార్ హీరోయిన్ స్థాయికి ఎదిగిపోయింది. ఇకపోతే ఈమె తాజాగా ఓ సినిమా నుండి తప్పుకుంది. అసలు విషయంలోకి వెళితే ... కొంత కాలం నవీన్ పోలిశెట్టి హీరోగా అనగనగా ఒక రాజు అనే సినిమా అనౌన్స్ అయిన విషయం మన అందరికీ తెలిసిందే.
ఈ మూవీ బృందం వారు ఈ సినిమాలో మొదటగా శ్రీ లీల ను హీరోయిన్గా ఎంపిక చేసుకున్నారు. అందుకు సంబంధించిన అధికారిక ప్రకటనను కూడా విడుదల చేశారు. ఈ సినిమా అధికారిక ప్రకటన వచ్చిన తర్వాత చాలా కాలం పాటు షూటింగ్ జరగలేదు. ఇకపోతే తాజాగా ఈ మూవీ బృందం వారు ఈ సినిమా నుండి ఒక చిన్న వీడియోని విడుదల చేశారు. ఆ వీడియో ద్వారా ఈ సినిమాలో మీనాక్షి చౌదరి హీరోయిన్గా ఎంపిక అయినట్లు మేకర్స్ ప్రకటించారు. దీనితో శ్రీ లీల ఈ సినిమా నుండి తప్పుకున్నట్లు తెలుస్తోంది. ఇకపోతే మీనాక్షి చౌదరి ఈ మధ్య కాలంలో వరుస సినిమాలతో ఫుల్ జోష్లో దూసుకుపోతుంది. ఇప్పటికే ఈ బ్యూటీ ఈ సంవత్సరం మొదటిగా గుంటూరు కారం సినిమాతో ప్రేక్షకులను పలకరించింది.
అలాగే తమిళ సినిమా గోట్ లో కూడా ఈ బ్యూటీ హీరోయిన్గా నటించింది. ఇకపోతే తెలుగులో లక్కీ భాస్కర్ , మెకానిక్ రాఖీ అనే సినిమాలతో కూడా ప్రేక్షకులను ఆకట్టుకుంది. ప్రస్తుతం ఈ బ్యూటీ సంక్రాంతికి వస్తున్నాం సినిమాలో హీరోయిన్గా నటిస్తోంది. ఈ మూవీ ని వచ్చే సంవత్సరం సంక్రాంతి పండుగ సందర్భంగా విడుదల చేయనున్నారు. ఇలా మీనాక్షి అదిరిపోయే రేంజ్ ఉన్న సినిమాలలో నటిస్తూ కెరియర్ను ఫుల్ జోష్లో ముందుకు సాగిస్తుంది.