స్పిరిట్ : పోలీస్ గా ప్రభాస్ ఏఐ లుక్ మాములుగా లేదుగా..!!
రెబల్ స్టార్ ప్రభాస్, స్టార్ డైరెక్టర్ సందీప్ వంగా కాంబినేషన్లో తెరకెక్కనున్న లేటెస్ట్ మూవీ 'స్పిరిట్'. యాక్షన్ మోడ్లో రూపొందనున్న ఈ చిత్రంపై ప్రేక్షకులకు భారీ అంచనాలే ఉన్నాయి. ఇప్పటికే ఈ సినిమా గురించి పలు రూపర్స్ నెట్టింట ట్రెండ్ అవ్వగా, తాజాగా వైరల్ అవుతున్న ఓ వార్త ప్రభాస్ అభిమానులను తెగ ఆకట్టుకుంటోంది. అదేంటంటే 'స్పిరిట్' సినిమాలో ప్రభాస్ ఓ పవర్ఫుల్ పోలీస్ ఆఫీసర్గా కనిపిస్తారని డైరెక్టర్ సందీప్ వంగా తాజాగా క్లారిటీ ఇచ్చారు. అయితే ఈ పాత్రతో పాటు మరో కీ రోల్లో ప్రభాస్ మెరవనున్నారని సినీ వర్గాల సమాచారం. తొలుత పోలీస్గా ఉన్న ఆయన, స్టోరీలోని ట్విస్ట్ల కారణంగా గ్యాంగ్స్టర్గా మారుతారని తెలుస్తోంది. ఇక ఈ సినిమాలో భారీ వైల్డ్ ఎలిమెంట్స్ కూడా ఉంటాయని సమాచారం.ఇదిలావుండగా ప్రభాస్ ప్రతీ సినిమాతో తన పాన్ ఇండియా స్టార్ డమ్ అంతకంతకూ పెంచుకుంటున్నాడు. తన క్రేజ్ ప్రస్తుతం ఇండియాకే పరిమితం కాకుండా ప్రపంచ వ్యాప్తంగా విస్తరిస్తోంది. ప్రస్తుతం ఏ హీరోకు లేనంత స్టార్ లైనప్ ఒక్క ప్రభాస్ కే సొంతం. నెవ్వర్ బిఫోర్ అనేలా ఆయన కాంబినేషన్లు ఉన్నాయి.
ఇక ప్రభాస్ త్వరలో స్టార్ట్ చేయబోయే కొత్త సినిమా ‘స్పిరిట్’ గురించి యావత్ భారతదేశం ఎదురు చూస్తుంది. సందీప్ రెడ్డి వంగా దర్శకత్వంలో రూపుదిద్దుకుంటున్న ఈ సినిమాపై అభిమానుల్లో భారీ అంచనాలు నెలకొన్నాయి. తాజాగా ప్రభాస్ పోలీస్ గెటప్‌లో ఉన్న ఓ పిక్ సోషల్ మీడియాలో వైరల్ అవుతోంది. ఈ పిక్‌ను ప్రభాస్ అభిమానులు ఏఐ టెక్నాలజీ ద్వారా క్రియేట్ చేశారు. ప్రభాస్ పోలీస్ యూనిఫార్మ్‌లో సిగరెట్ తాగుతూ స్టైలిష్‌గా కనిపిస్తున్న ఆ ఫోటో చూసిన మరికొందరు అభిమానులు ‘స్పిరిట్’లో ఆయన లుక్ ఇదేనా? అని ఆశగా ఎదురు చూస్తున్నారు. ఈ ఫోటోలో ప్రభాస్ స్టైలిష్ లుక్, పవర్ఫుల్ అటిట్యూడ్ స్పష్టంగా కనిపిస్తుంది. దీన్ని చూసిన అభిమానులు సోషల్ మీడియాలో పంచుకుంటూ మరింత వైరల్ చేసేస్తున్నారు.ఏదేమైనా సందీప్ రెడ్డి వంగా దర్శకత్వంలో ప్రభాస్ ఇలా కనిపిస్తే మాత్రం అరాచకమే అనేలా కామెంట్స్ వస్తున్నాయి. ప్రస్తుతం ప్రభాస్ అనేక ప్రాజెక్ట్స్‌లో బిజీగా ఉన్నారు. ఆయన నటిస్తున్న ‘ది రాజా సాబ్’, ‘సలార్ పార్ట్ 2’, అలాగే హను రాఘవపూడి దర్శకత్వంలో రూపొందుతున్న ‘ఫౌజీ’ సినిమా షూటింగ్ దశలో ఉన్నాయి. ఇక వచ్చే ఏడాది ‘స్పిరిట్’ షూటింగ్ మొదలవుతుందని సమాచారం. ఇది ప్రభాస్ మొదటి పోలీస్ రోల్ కావడంతో ఆ పాత్రపై మరింత ఆసక్తి నెలకొంది.