RC 16 : మొదటి షెడ్యూల్లోనే జాయిన్ అయిన కమెడియన్స్.. చరణ్ చెప్పిన ఎంటర్టైనర్ రానుందా..?
మెగా పవర్ స్టార్ రామ్ చరణ్ కొంత కాలం క్రితం రాజమౌళి దర్శకత్వంలో రూపొందిన ఆర్ ఆర్ ఆర్ అనే సినిమాలో హీరోగా నటించాడు. ఈ మూవీ అదిరిపోయే రేంజ్ బ్లాక్ బస్టర్ విజయం సాధించడంతో ఈ మూవీ ద్వారా చరణ్ కి ఇండియా వ్యాప్తంగా గుర్తింపు లభించింది. ఇకపోతే తాజాగా చరణ్ , శంకర్ దర్శకత్వంలో రూపొందిన గేమ్ చేంజర్ అనే భారీ బడ్జెట్ పాన్ ఇండియా సినిమాలో హీరోగా నటించాడు. కియార అద్వానీ ఈ మూవీ లో హీరోయిన్గా నటించగా ... ఎస్ జె సూర్య ఈ మూవీ లో విలన్ పాత్రలో నటించాడు.
ఈ మూవీ ని శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్నాడు. ఈ మూవీ ని వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనున్నట్లు ఈ మూవీ బృందం వారు చాలా రోజుల క్రితమే ప్రకటించారు. ఇకపోతే ప్రస్తుతం చరణ్ "ఉప్పెన" మూవీ దర్శకుడు అయినటువంటి బుచ్చిబాబు సన దర్శకత్వంలో రూపొందుతున్న సినిమాలో హీరోగా నటిస్తున్నాడు. జాన్వి కపూర్ ఈ సినిమాలో హీరోయిన్గా నటిస్తుంది. ఈ మూవీ కి మేకర్స్ టైటిల్ ను ఫిక్స్ చేయకపోవడంతో "RC 16" అనే వర్కింగ్ టైటిల్ తో ఈ మూవీ చిత్రీకరణ రూపొందుతుంది. కొన్ని రోజుల క్రితమే ఈ మూవీ యొక్క ఫస్ట్ షెడ్యూల్ మైసూర్ లో స్టార్ట్ అయింది. ఈ మూవీ ఫస్ట్ షెడ్యూల్లోనే రామ్ చరణ్ , జాన్వి కపూర్ ఈ మూవీ షూటింగ్లో జాయిన్ అయినట్లు తెలుస్తోంది.
కొంత కాలం క్రితం చరణ్ , బుచ్చిబాబు తో తాను చేయబోయే సినిమాలో అద్భుతమైన కామెడీ ఉంటుంది అని చెప్పుకొచ్చాడు. ఇకపోతే ఈ మూవీ ఫస్ట్ షెడ్యూల్ లోనే కమెడియన్ సత్య , చమ్మక్ చంద్ర లపై కూడా సన్నివేశాలను తీస్తున్నట్లు తెలుస్తోంది. దీనితోనే అర్థం అవుతుంది చరణ్ చెప్పినట్లు ఇది కామెడీ సినిమా అని. ఇకపోతే ఏ ఆర్ రెహమాన్ ఈ సినిమాకి సంగీతం అందిస్తూ ఉండగా ... కన్నడ స్టార్ నటుడు శివరాజ్ కుమార్ ఈ మూవీ లో ఓ కీలకమైన పాత్రలో కనిపించబోతున్నాడు.