త్రిష ఆ సినిమా కోసం చాలా కష్టపడింది.. ఎమోషనల్ అయిన త్రిష తల్లి..?
తెలుగు , తమిళ్ ఇండస్ట్రీలలో స్టార్ హీరోయిన్గా చాలా సంవత్సరాల పాటు కెరియర్ను కొనసాగించిన ముద్దుగుమ్మలలో త్రిష ఒకరు. ఇకపోతే త్రిష టాలీవుడ్ ఇండస్ట్రీలో ఉన్న ఎంతో మంది సీనియర్ , జూనియర్ స్టార్ హీరోలతో నటించి ఎన్నో సంవత్సరాల పాటు స్టార్ హీరోయిన్గా టాలీవుడ్లో కెరీర్ను కొనసాగించింది. ప్రస్తుతం త్రిష , మెగాస్టార్ చిరంజీవి హీరోగా రూపొందుతున్న విశ్వంభర అనే సినిమాలో హీరోయిన్గా నటిస్తోంది. ఈ మూవీ పై తెలుగు ప్రేక్షకుల్లో భారీ అంచనాలు ఉన్నాయి. ఇక ఈ ముద్దుగుమ్మ ఈ మధ్య కాలంలో తెలుగు కంటే తమిళ సినిమాల్లో ఎక్కువగా నటిస్తూ వస్తుంది.
ఇది ఇలా ఉంటే తాజాగా త్రిష తన తల్లి ఉమా కృష్ణన్ తో కలిసి ఓ తమిళ అవార్డు వేడుకకు వెళ్ళింది. ఇక ఈ అవార్డు వేడుకలో భాగంగా యాంకర్ త్రిష తల్లిని త్రిష కెరియర్ లో చాలా కష్టపడిన సినిమా ఏది అని ప్రశ్నించింది. దానికి త్రిష తల్లి ఉమా కృష్ణన్ స్పందిస్తూ ... త్రిష తన కెరియర్లో వర్షం సినిమా కోసం ఎంతగానో కష్టపడింది. ఆ సినిమా కోసం ఏకంగా 45 రోజులు వర్షంలోనే గడిపాం. ఇదంతా ఎందుకు సినిమా మానేసి చెన్నై కి వెళ్ళిపోదాం అని కూడా అనుకున్నాం. కానీ ధైర్యంతో అలాగే ముందుకు వెళ్లాం. ఇక ఆ సినిమా విడుదల తర్వాత మేము పడిన కష్టం అంతా మర్చిపోయాం అని త్రిష తల్లి ఉమా కృష్ణన్ చెప్పుకొచ్చింది.
ఇక ఈ విషయంపై త్రిష స్పందిస్తూ ... వర్షం మూవీ కోసం నేను చాలా కష్టపడ్డాను అని చెప్పుకొచ్చింది. ఇకపోతే వర్షం సినిమాలో రెబల్ స్టార్ ప్రభాస్ హీరోగా నటించగా ... త్రిష ఈ మూవీ లో హీరోయిన్ గా నటించింది. శోభన్ దర్శకత్వంలో రూపొందిన ఈ సినిమాలో గోపీచంద్ విలన్ పాత్రలో నటించాడు. దేవి శ్రీ ప్రసాద్ ఈ మూవీ కి సంగీతం అందించాడు. ఈ మూవీ అదిరిపోయే రేంజ్ బ్లాక్ బస్టర్ విజయాన్ని సొంతం చేసుకుంది.