రాజా సాబ్ లో ఆ స్టార్ హీరోయిన్ స్పెషల్ సాంగ్.. 17 ఏళ్లకు జోడి కుదిరింది..?
రెబల్ స్టార్ ప్రభాస్ ప్రస్తుతం మారుతీ దర్శకత్వంలో రాజా సాబ్ అనే సినిమాలో హీరోగా నటిస్తున్న విషయం మన అందరికీ తెలిసిందే. ఈ సినిమాలో ప్రభాస్ కి జోడిగా నిధి అగర్వాల్ , మాళవిక మోహన్ , రీద్ధీ కుమార్ లు నటిస్తూ ఉండగా ... ఎస్ ఎస్ తమన్ ఈ సినిమాకు సంగీతం అందిస్తున్నాడు. పీపుల్స్ మీడియా ఫ్యాక్టరీ బ్యానర్ పై ప్రముఖ నిర్మాత టీ జీ విశ్వ ప్రసాద్ నిర్మిస్తున్న ఈ సినిమాలో బాలీవుడ్ నటుడు సంజయ్ దత్ ఓ కీలకమైన పాత్రలో కనిపించబోతున్నట్లు తెలుస్తోంది. ఇకపోతే ఇప్పటివరకు ఈ మూవీ నుండి మేకర్స్ కొన్ని ప్రచార చిత్రాలను విడుదల చేశారు. వాటి ద్వారా ఈ సినిమాలో ప్రభాస్ డ్యూయల్ రోల్ లో కనిపించే పోయే అవకాశాలు ఉన్నట్లు తెలుస్తోంది.
ఇది ఇలా ఉంటే ప్రస్తుతం ఈ సినిమాకు సంబంధించిన ఒక అదిరిపోయే న్యూస్ సోషల్ మీడియాలో వైరల్ అవుతుంది. అసలు విషయం లోకి వెళితే ... మారుతి ఈ సినిమాలో ఒక అదిరిపోయే ఐటమ్ సాంగ్ ను పెట్టాలి అనుకుంటున్నట్లు తెలుస్తోంది. అందులో భాగంగా ఈ సినిమాలోని ఐటమ్ సాంగ్ కోసం నయనతారను ఇప్పటికే సెలెక్ట్ చేసుకున్నట్లు ఓ వార్త వైరల్ అవుతుంది. ఇప్పటికే ఈ మూవీ బృందం వారు నయనతార ను ఈ సినిమాలో స్పెషల్ సాంగ్ కోసం సంప్రదించగా , ఆమె కూడా ఇందులో నటించడానికి గ్రీన్ సిగ్నల్ ఇచ్చినట్లు ఓ వార్త వైరల్ అవుతుంది. ఇకపోతే 2007 వ సంవత్సరం ప్రభాస్ హీరోగా వి వి వినాయక్ దర్శకత్వంలో రూపొందిన యోగి సినిమాలో నయన తార , ప్రభాస్ కి జోడి గా నటించింది. ఈ మూవీ బాక్స్ ఆఫీస్ దగ్గర బోల్తా కొట్టిన ఈ సినిమాలో ప్రభాస్ , నయనతార జంటకు మంచి గుర్తింపు లభించింది. ఇక దాదాపు 17 సంవత్సరాల తర్వాత ఈ ఇద్దరు కలిసి ఓ సినిమాలో నటించబోతున్నట్లు ఓ వార్త వైరల్ అవుతుంది.