గేమ్ ఛేంజర్ : ఫ్రీ రిలీజ్ చీఫ్ గెస్ట్ అతనే.. మరిన్ని క్రేజీ వివరాలు ఇవే..?
మెగా పవర్ స్టార్ రామ్ చరణ్ హీరోగా శంకర్ దర్శకత్వంలో గేమ్ చేంజర్ అనే సినిమా రూపొందుతున్న విషయం మన అందరికీ తెలిసిందే. ఎస్ ఎస్ తమన్ ఈ సినిమాకు సంగీతం అందిస్తూ ఉండగా ... కియార అద్వానీ ఈ సినిమాలో చరణ్ కి జోడిగా నటిస్తోంది. అంజలి , సునీల్ , శ్రీకాంత్ , నవీన్ చంద్ర , జయరాం ఈ మూవీ లో ముఖ్య పాత్రలలో కనిపించనుండగా ... ఎస్ జె సూర్య ఈ మూవీ లో ప్రధాన ప్రతినాయకుడి పాత్రలో కనిపించబోతున్నాడు. శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు ఈ సినిమాను నిర్మిస్తున్నాడు. ఈ మూవీ ని వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనున్నట్లు ఈ మూవీ బృందం వారు కొన్ని రోజుల క్రితమే అధికారికంగా ప్రకటించారు.
ఇప్పటికే ఈ సినిమా నుండి మేకర్స్ రెండు పాటలను , ఒక టీజర్ను విడుదల చేశారు. వాటికి మంచి రెస్పాన్స్ జనాల నుండి లభించింది. ఇది ఇలా ఉంటే ఈ సినిమా విడుదల తేదీ దగ్గర పడుతున్న నేపథ్యంలో ఈ మూవీ బృందం పెద్ద ఎత్తున ప్రచారాలను మొదలు పెట్టబోతున్నట్లు తెలుస్తోంది. అందులో భాగంగా ఈ సినిమాకు సంబంధించిన ప్రీ రిలీజ్ ఈవెంట్ను కాకినాడ లేదా రాజమండ్రిలో చేయాలి అనే ప్లానింగ్ లో మేకర్స్ ఉన్నట్లు తెలుస్తోంది. ఇక ఈ మూవీ ఫ్రీ రిలీజ్ ఈవెంట్ జనవరి మొదటి వారంలో ఉండే అవకాశాలు ఉన్నట్లు తెలుస్తోంది.
ఆంధ్రప్రదేశ్ ఉప ముఖ్యమంత్రి పవన్ కళ్యాణ్ ఈ సినిమా ప్రీ రిలీజ్ ఈవెంట్ కు ముఖ్య అతిథిగా వచ్చే అవకాశాలు ఉన్నట్లు ఓ వార్త సోషల్ మీడియాలో వైరల్ అవుతుంది. ఒక వేళ పవన్ కళ్యాణ్ కనుక ఈ సినిమా ఫ్రీ రిలీజ్ ఈవెంట్ కు వచ్చినట్లయితే ఈ మూవీ పై అంచనాలు మరింత పెరిగే అవకాశాలు చాలా వరకు ఉన్నాయి అని జనాలు అభిప్రాయ పడుతున్నారు. ఈ మూవీ ఫ్రీ రిలీజ్ ఈవెంట్ కంటే ముందు హైదరాబాద్ , చెన్నై , ముంబై , బెంగళూరు లలో ఈ మూవీ యూనిట్ ప్రెస్ మీట్లను నిర్వహించాలి అని ఆలోచనలో ఉన్నట్లు తెలుస్తోంది.