ఘోరమైన స్థితిలో కంగువ.. అమరన్ 19వ రోజు కలెక్షన్లను కూడా టచ్ చేయలేకపోయిందే..?
కోలీవుడ్ ఇండస్ట్రీ లో సూపర్ క్రేజ్ కలిగిన నటులలో ఒకరు అయినటువంటి వారిలో శివ కార్తికేయన్ ఒకరు. ఈయన తాజాగా అమరన్ అనే సినిమాలో హీరోగా నటించాడు. ఈ మూవీ లో సాయి పల్లవి హీరోయిన్గా నటించింది. ఈ మూవీ అక్టోబర్ 31 వ తేదీన థియేటర్లలో విడుదల అయింది. ఈ సినిమాకు విడుదల అయిన మొదటి రోజు మొదటి షో కే అద్భుతమైన పాజిటివ్ టాక్ వచ్చింది. దానితో ఈ సినిమా అదిరిపోయే రేంజ్ కలెక్షన్లను వసూలు చేసి ఇప్పటికే భారీ లాభాలను అందుకుంది. ఇకపోతే ఇప్పటి వరకు ఈ సినిమా విడుదల అయ్యి 19 రోజులు అవుతున్న ఈ మూవీ కి భారీగానే కలెక్షన్లు వస్తున్నాయి.
ఇది ఇలా ఉంటే తమిళ సినిమా పరిశ్రమ నుండి కొన్ని రోజుల క్రితం భారీ అంచనాల నడుమ సూర్య హీరోగా దిశా పటాని హీరోయిన్గా శివ దర్శకత్వంలో రూపొందిన కంగువ అనే సినిమా విడుదల అయిన విషయం మనకు తెలిసిందే. భారీ అంచనాల నడుమ విడుదల అయిన ఈ సినిమాకి విడుదల అయిన మొదటి రోజు మొదటి షో కే నెగిటివ్ టాక్ వచ్చింది. దానితో ఈ మూవీ కి పెద్ద స్థాయిలో కలెక్షన్లు దక్కడం లేదు. ఇకపోతే అమరన్ సినిమాకు 19 వ రోజు వచ్చిన కలెక్షన్లు కూడా కంగువ సినిమాకు విడుదల అయిన ఐదవ రోజు రాలేదు.
కంగువ మూవీ కి విడుదల అయిన ఐదవ రోజు ప్రపంచ వ్యాప్తంగా 3.35 కోట్ల గ్రాస్ కలెక్షన్లు వస్తే , అమరన్ మూవీ కి విడుదల అయిన 19 వ రోజు ప్రపంచ వ్యాప్తంగా 3.55 కోట్ల రేంజ్ లో గ్రాస్ కలెక్షన్లు వచ్చినట్లు తెలుస్తోంది. ఇలా భారీ అంచనాల నడుమ విడుదల అయిన కంగువ సినిమా ఐదవ రోజు కలెక్షన్ల కంటే అమరన్ సినిమా 19 వ రోజు ఎక్కువ కలెక్షన్లను వసూలు చేసినట్లు తెలుస్తోంది. ఇకపోతే ఇప్పటికీ కూడా అమరన్ సినిమా అద్భుతమైన హోల్డ్ ను ప్రపంచ వ్యాప్తంగా కనబరుస్తూ ఫుల్ జోష్లో దూసుకుపోతుంది.