RC 16 : షూటింగ్ స్టార్ట్ కి అంతా రెడీ.. ఫస్ట్ షెడ్యూల్ వారిపైనే..?
మెగా పవర్ స్టార్ రామ్ చరణ్ తాజాగా శంకర్ దర్శకత్వంలో గేమ్ చెంజర్ అనే భారీ బడ్జెట్ సినిమాలో హీరో గా నటించిన విషయం మన అందరికీ తెలిసిందే. ఈ మూవీ లో కియార అద్వానీ హీరోయిన్గా నటించగా ... ఎస్ ఎస్ తమన్ ఈ సినిమాకు సంగీతం అందించాడు. ఎస్ జె సూర్య ఈ మూవీ లో ప్రధాన ప్రతి నాయకుడి పాత్రలో కనిపించనుండగా ... శ్రీ వెంకటేశ్వర క్రియేషన్స్ బ్యానర్ పై ఈ మూవీ ని దిల్ రాజు అత్యంత భారీ బడ్జెట్ తో ఎంతో ప్రతిష్టాత్మకంగా నిర్మిస్తున్నాడు. అంజలి , శ్రీకాంత్ , సునీల్ , నవీన్ చంద్ర , జయరాం ఈ మూవీ లో ముఖ్య పాత్రలలో నటించారు. ఈ మూవీ ని వచ్చే సంవత్సరం జనవరి 10 వ తేదీన విడుదల చేయనున్నారు.
ఇకపోతే చరణ్ తదుపరి మూవీ ని ఉప్పెన మూవీ దర్శకుడు అయినటువంటి బుచ్చిబాబు సనా దర్శకత్వంలో చేయబోతున్న విషయం మనకు తెలిసిందే. ఈ మూవీ కి సంబంధించిన లాంచింగ్ కార్యక్రమాలు కూడా చాలా రోజుల క్రితమే పూర్తి అయ్యాయి. ఈ మూవీ లో జాన్వీ కపూర్ హీరోయిన్గా కనిపించనుండగా ... కన్నడ నటుడు శివరాజ్ కుమార్ ఈ సినిమాలో కీలక పాత్రలో కనిపించనున్నాడు.
ఏ ఆర్ రెహమాన్ సంగీతం అందించనున్న ఈ మూవీ కి రత్నవేలు సినిమాటో గ్రాఫర్ గా వర్క్ చేయనున్నాడు. ఇది ఇలా ఉంటే ఈ మూవీ షూటింగ్ నవంబర్ 22 వ తేదీన మైసూర్ లో ప్రారంభం కాబోతున్నట్లు తెలుస్తోంది. ఇక ఫస్ట్ షెడ్యూల్ లోనే ఈ సినిమా హీరో అయినటువంటి రామ్ చరణ్ హీరోయిన్ అయినటువంటి జాన్వి కపూర్ పాల్గొనబోతున్నట్లు తెలుస్తోంది. ఈ మూవీ పై ప్రస్తుతానికి ప్రేక్షకుల్లో భారీ అంచనాలు ఉన్నాయి.