అమీషా పటేల్ : తెలుగులో చేసింది నాలుగు సినిమాలే.. కానీ క్రేజ్ మాత్రం వేరే లెవెల్..!!
బాలీవుడ్ హాట్ బ్యూటీ అమీషా పటేల్ గురించి ప్రత్యేకంగా చెప్పాల్సిన పని లేదు.. బాలీవుడ్ లో ఎన్నో సూపర్ హిట్ సినిమాలలో అమీషా హీరోయిన్ గా నటించింది.. ఎన్నో బ్లాక్ బస్టర్ హిట్స్ తన ఖాతాలో వేసుకుంది.. ఈ భామ బాలీవుడ్ స్టార్ హీరోల అందరి సరసన నటించి మెప్పించింది.. ఈ భామ గ్లామర్ కి, యాక్టింగ్ టాలెంట్ కి బాలీవుడ్ మాత్రమే కాదు టాలీవుడ్ కూడా ఫిదా అయింది.. టాలీవుడ్ లో ఈ భామ వరుసగా స్టార్ హీరోల సినిమాల్లో నటించింది.. టాలీవుడ్ లో ఈ భామ నటించిన మొదటి మూవీ ‘బద్రి’.. పవర్ స్టార్ పవన్ కల్యాణ్ హీరోగా డేరింగ్ అండ్ డాషింగ్ డైరెక్టర్ పూరీ జగన్నాధ్ కాంబినేషన్ లో ఈ సినిమా తెరకెక్కింది.. ఈ సినిమాలో అమీషా ‘సరయు’ అనే పాత్రలో తన క్యూట్ ఎక్స్ప్రెషన్స్ తో ఎంతగానో ఆకట్టుకుంది.. బద్రి సినిమా బిగ్గెస్ట్ బ్లాక్ బస్టర్ హిట్ గా నిలిచింది.. ఈ సినిమా తరువాత అమీషాకు వరుస ఆఫర్స్ వచ్చాయి..కానీ బాలీవుడ్ లో ఈ భామ బాగా బిజీ అయిపోయింది..
2004 లో మహేష్, ఎస్.జె. సూర్య కాంబినేషన్ లో వచ్చిన నాని మూవీలో హీరోయిన్ గా అమీషా టాలీవుడ్ లో మళ్ళీ నటించింది..కానీ ఆ సినిమా ప్రేక్షకులని అంతగా ఆకట్టుకోలేదు.. కానీ టాలీవుడ్ డైరెక్టర్స్ ఈ అమ్మడి గ్లామర్ కి ఫిదా అయ్యారు.. నాని మూవీ తరువాత అమీషా పటేల్ ఎన్టీఆర్ హీరోగా బి. గోపాల్ తెరకెక్కించిన నరసింహుడు సినిమాలో హీరోయిన్ గా నటించింది.. అయితే ఆ సినిమా కూడా డిజాస్టర్ గా నిలిచింది..దీనితో అమీషాకు తెలుగులో ఆఫర్స్ రాలేదు.. అమీషా మళ్ళీ బాలీవుడ్ లో బిజీ అయింది.. మరో ఆరేళ్లకు అంటే 2011 లో బాలకృష్ణ, దాసరి నారాయణరావు కాంబినేషన్ లో వచ్చిన “ పరమ వీరచక్ర “ సినిమాలో అమీషా హీరోయిన్ గా నటించింది.. అయితే ఆ సినిమా కూడా డిజాస్టర్ గా నిలిచింది.. దీనితో అమీషా పటేల్ తెలుగులో కనిపించడమే మానేసింది.. తెలుగులో ఒక్క పవన్ కల్యాణ్ మూవీ తప్ప ఏ స్టార్ హీరో మూవీ కలిసి రాలేదు..