అది తలుచుకొని ఖుషి అవుతున్న వెంకీ ఫాన్స్.. మళ్లీ రిపీట్ అయితే వారికి కష్టమే..?
తెలుగు సినీ పరిశ్రమలో సంక్రాంతి సీజన్ కి అద్భుతమైన క్రేజ్ ఉంటుంది అనే విషయం ప్రత్యేకంగా చెప్పనవసరం లేదు. ఎందుకు అంటే సంక్రాంతి సమయంలో విడుదల అయిన సినిమాలకు కాస్త యావరేజ్ టాక్ వచ్చిన కూడా అద్భుతమైన కలెక్షన్లను వసూలు చేస్తూ ఉంటాయి. ఇక మంచి టాక్ వచ్చిన సినిమాలకైతే కలెక్షన్ల వర్షం కురుస్తూ ఉంటుంది. దానితో ఎక్కువ మంది హీరోలు , దర్శకులు , నిర్మాతలు తమ సినిమాలను సంక్రాంతి బరిలో నిలపడానికి అత్యంత ఆసక్తిని చూపిస్తూ ఉంటారు.
ఇది ఇలా ఉంటే 2019 వ సంవత్సరం సంక్రాంతి పండుగ సందర్భంగా నందమూరి బాలకృష్ణ హీరోగా రూపొందిన కథానాయకుడు , మెగా పవర్ స్టార్ రామ్ చరణ్ హీరోగా రూపొందిన వినయ విధేయ రామ , విక్టరీ వెంకటేష్ , వరుణ్ తేజ్ హీరోలుగా రూపొందిన ఎఫ్ 2 సినిమాలు విడుదల అయ్యాయి. ఇందులో కథానాయకుడు , వినయ విధేయ రామ భారీ అపజయాలను బాక్స్ ఆఫీస్ దగ్గర సొంతం చేసుకోగా ... ఎఫ్ 2 సినిమా మాత్రం సూపర్ సక్సెస్ అయ్యింది. ఇకపోతే వచ్చే సంవత్సరం సంక్రాంతి పండుగ సందర్భంగా కూడా బాలయ్య , వెంకటేష్ , రామ్ చరణ్ బాక్స్ ఆఫీస్ దగ్గర పోటీ పడబోతున్నారు. వచ్చే సంవత్సరం సంక్రాంతి బాలయ్య హీరోగా రూపొందుతున్న సినిమా విడుదల కానుంది.
అలాగే రామ్ చరణ్ హీరోగా రూపొందుతున్న గేమ్ చేంజర్ , విక్టరీ వెంకటేష్ హీరోగా రూపొందుతున్న సంక్రాంతికి వస్తున్నాం విడుదల కానుంది. ఈ మూడు మూవీలపై కూడా ప్రేక్షకుల్లో భారీ అంచనాలు ఉన్నాయి. ఇకపోతే 2019 వ సంవత్సరం సంక్రాంతి పండుగ సందర్భంగా ఈ ముగ్గురు హీరోలు బాక్స్ ఆఫీస్ దగ్గర తలపడగా బాలకృష్ణ , రామ్ చరణ్ భారీ ఫ్లాప్ లను అందుకున్నారు. విక్టరీ వెంకటేష్ సంక్రాంతి విన్నర్ గా నిలిచాడు. మరి వచ్చే సంవత్సరం సంక్రాంతి విన్నర్ గా ఎవరు నిలుస్తారో చూడాలి.