అదుర్స్ : పర్ఫెక్ట్ కామెడీ టైమింగ్ తో కుమ్మేసిన ఎన్టీఆర్..!!
మ్యాన్ ఆఫ్ మాసెస్ ఎన్టీఆర్ కెరీర్ లో ఎన్నో సూపర్ హిట్స్, బ్లాక్ బస్టర్ హిట్స్, ఇండస్ట్రీ హిట్స్ అందుకున్నాడు.. కానీ ఎన్టీఆర్ కెరీర్ లో ప్రతి ఒక్కరూ మెచ్చే స్పెషల్ మూవీ “అదుర్స్”.. టాలీవుడ్ స్టార్ డైరెక్టర్ వి.వి. వినాయక్ ఈ సినిమాను తెరకెక్కించారు.. ఇప్పటి వైసీపీ నాయకులు, ఒకప్పుడు ఎన్టీఆర్ కి బెస్ట్ ఫ్రెండ్స్ అయిన వల్లభనేని వంశీ, కొడాలి నాని ఈ సినిమాను భారీ స్థాయిలో నిర్మించారు.. ఎన్టీఆర్ ఈ సినిమాలో డ్యూయల్ రోల్ లో నటించాడు.. నరసింహ గా ఊర మాస్ రోల్ అలాగే చారిగా స్వచ్ఛమైన బ్రాహ్మణుడిగా ఎన్టీఆర్ అద్భుతంగా నటించాడు..ఈ సినిమాలో ఎన్టీఆర్ కామెడీ టైమింగ్ అదిరిపోతుంది.. భట్టాచారిగా నటించిన బ్రహ్మానందం పాత్రకు చాలా మంది ఫ్యాన్స్ అయిపోయారు.. భట్టు, చారి కాంబినేషన్ లో వచ్చే కామెడీ సీన్స్ ప్రేక్షకులను విపరీతంగా ఆకట్టుకున్నాయి.. ఈ సినిమాలో నయనతారా, షీలా హీరోయిన్స్ గా నటించారు…ఈ సినిమాలో నయనతారా చంద్రకళ పాత్రలో నటించింది.. ముఖ్యంగా భట్టు, చందు లవ్ ట్రాక్ ప్రేక్షకులకు విపరీతంగా ఆకట్టుకుంది..
డ్యూయల్ రోల్ లో ఎన్టీఆర్ చూపించిన వేరియేషన్స్ అద్భుతం అని చెప్పాలి..చారి పాత్రను ఇంక ఎలాంటి హీరో చేయలేని విధంగా ఎన్టీఆర్ తన పెర్ఫార్మన్స్ తో అదరగొట్టాడు.. ఎన్టీఆర్, వి.వి వినాయక్ కాంబినేషన్ లో వచ్చిన మూడో మూవీనే అదుర్స్.. గతంలో వీరి కాంబినేషన్ లో తెరకెక్కిన ఆది, సాంబ ఎన్టీఆర్ ని తిరుగులేని మాస్ హీరోని చేసాయి.. ఎన్టీఆర్ కెరీర్ లో వినాయక్ మరచిపోలేని హిట్స్ ఇచ్చారు.. అందుకే ఎన్టీఆర్, వినాయక్ కాంబినేషన్ అంటే కచ్చితంగా భారీ బ్లాక్ బస్టర్ అవుతుందని ఫ్యాన్స్ భావిస్తారు.. ఇదిలా ఉంటే ఫ్యాన్స్ అదుర్స్ సినిమా సీక్వెల్ కోసం ఎదురుచూస్తున్నారు..టాలీవుడ్ స్టార్ రైటర్ కోన వెంకట్ ను ఈ సీక్వెల్ గురించి ప్రశ్నించగా తప్పకుండా చేస్తాను.. ఎన్టీఆర్ ఒప్పుకోకపోతే ఆయన ఇంటి ముందు ధర్నా చేసి అయినా ఒప్పిస్తాను అని ఆయన తెలిపారు.. అయితే కొంతమంది అభిప్రాయం ప్రకారం అంత మంచి క్లాసిక్ మూవీని సీక్వెల్ అంటూ చెడగొట్టకండి అని రిక్వెస్ట్ చేస్తున్నారు.మరి ఈ సినిమాకు త్వరలో సీక్వెల్ వస్తుందో లేదో వేచి చూడాలి..