అనిరుద్ వల్ల సినిమానే ఆగిపోతుందా.. స్టార్ డైరెక్టర్ కి ఇలాంటి పరిస్థితి..?
ఇండియాలో ప్రస్తుతం అద్భుతమైన క్రేజ్ కలిగిన సంగీత దర్శకులలో ఒకరిగా కెరియర్ను కొనసాగిస్తున్న వారిలో అనిరుద్ రవిచంద్రన్ ఒకరు. ఈయన ఇప్పటికే ఎన్నో అద్భుతమైన ఆల్బమ్స్ ను అందించి ఎన్నో సినిమాల విజయంలో అత్యంత కీలక పాత్రను పోషించాడు. తాజాగా అనిరుద్ తెలుగు సినిమా అయినటువంటి దేవర పార్ట్ 1 కి సంగీతం అందించాడు. ఈ సినిమాలోని సాంగ్స్ కంటే కూడా ఆయన అందించిన బిజిఎం కు ప్రేక్షకుల నుండి సూపర్ సాలిడ్ రెస్పాన్స్ లభించింది. అలాగే ఈయన అందించిన బ్యాక్గ్రౌండ్ స్కోర్ సినిమా విజయం లోనే కీలక పాత్ర పోషించింది అది కూడా అనేక మంది ప్రశంసలు అనిరుద్ పై కురిపించారు.
ఇకపోతే ఇంత గొప్ప క్రేజ్ కలిగిన సంగీత దర్శకుడి వల్ల ఆ సినిమా రిలీజ్ కు కష్టాలు ఎదురవుతున్నట్లు ఓ వార్త వైరల్ అవుతుంది. అసలు విషయం లోకి వెళితే ... టాలీవుడ్ ఇండస్ట్రీ లో మంచి గుర్తింపు కలిగిన గౌతమ్ తిన్ననూరి కొంత కాలం క్రితం మ్యాజిక్ అనే మూవీ ని రూపొందించాడు. ఈ సినిమా షూటింగ్ పూర్తి అయ్యి చాలా కాలమే అవుతున్నట్లు తెలుస్తోంది. కానీ ఈ సినిమాకు అనిరుద్ సంగీతం అందించనుండడం వల్ల ఈ మూవీ రిలీజ్ పోస్ట్ పోన్ అవుతూ వస్తున్నట్లు ఓ వార్త వైరల్ అవుతుంది.
అనిరుద్ అనేక క్రేజీ సినిమాలకు మ్యూజిక్ అందించడానికి ఒప్పుకొని ఉండటంతో అటు వైపు ఆయన ఇంట్రెస్ట్ చూపడం వల్ల ఈ చిన్న సినిమా రిలీజ్ కావడం లేదు అని ఓ వార్త వైరల్ అవుతుంది. కొన్ని రోజుల క్రితం ఈ సినిమాను డిసెంబర్ నెలలో విడుదల చేయనున్నట్లు ఓ వార్త వైరల్ అయింది. కానీ మళ్ళీ ఈ మూవీ విడుదలపై ఎలాంటి ప్రకటన రావడం లేదు. మరి అనిరుద్ ఈ సినిమాకు సంగీతాన్ని అందిస్తుండడంతో ఈ మూవీ పై ప్రేక్షకుల్లో భారీ అంచనాలు ఉన్నాయి.