100 కోట్ల వసూళ్లను ఎక్కువసార్లు అందుకున్న హీరోలు వీరే.. లిస్ట్ లో ఏకంగా అంతమంది సౌత్ హీరోలు..?
ఒకప్పుడు సినిమాకు 100 కోట్ల కలెక్షన్స్ వచ్చాయి అంటే దానిని చాలా పెద్ద విషయంగా చూసేవారు. కానీ ప్రస్తుతం అలాంటి పరిస్థితులు లేవు. కొన్ని సినిమాలకు ఒక రోజులోనే వంద కోట్ల కలెక్షన్స్ వచ్చిన సందర్భాలు కూడా అనేకం ఉన్నాయి. ఇకపోతే 100 కోట్ల కలెక్షన్లను అత్యధిక సార్లు అందుకున్న ఇండియన్ హీరోలు ఎవరు అనే విషయాలను తెలుసుకుందాం.
బాలీవుడ్ స్టార్ హీరోలలో ఒకరు అయినటువంటి సల్మాన్ ఖాన్ గురించి ప్రత్యేక పరిచయం అవసరం లేదు. ఈయన ఇప్పటికే ఎన్నో విజయవంతమైన సినిమాలలో హీరో గా నటించి హిందీ సినీ పరిశ్రమలో స్టార్ హీరోలలో ఒకరిగా కెరియర్ ను కొనసాగిస్తున్నాడు. ఇకపోతే సల్మాన్ ఖాన్ హీరోగా రూపొందిన 17 సినిమాలు 100 కోట్లకు పైగా కలెక్షన్లను కొల్లగొట్టాయి. ఈ లిస్టులో సల్మాన్ ఖాన్ మొదటి స్థానంలో నిలిచాడు.
బాలీవుడ్ నటుడు అక్షయ్ కుమార్ నటించిన 16 సినిమాలు 100 కోట్లకు పైగా కలెక్షన్లను కొల్లగొట్టాయి. ఈ మధ్య కాలంలో ఈయన నటించిన సినిమాలు బాక్స్ ఆఫీస్ దగ్గర పెద్ద స్థాయి విజయాలను అందుకోవడం లేదు. ఈ లిస్టు లో ఈయన రెండవ స్థానంలో ఉన్నాడు.
తమిళ నటుడు తలపతి విజయ్ హీరోగా రూపొందిన 11 సినిమాలు 100 కోట్ల కలెక్షన్లను రాబట్టాయి. ఈయన ఈ లిస్టులో మూడవ స్థానంలో ఉన్నాడు.
బాలీవుడ్ స్టార్ హీరోలలో ఒకరు అయినటువంటి షారుక్ ఖాన్ నటించిన సినిమాలలో ఇప్పటివరకు పది సినిమాలు 100 కోట్ల కలెక్షన్లను వసూలు చేశాయి. ఈ లిస్టు లో ఈయన 4 వ స్థానంలో ఉన్నాడు.
తమిళ స్టార్ హీరోలలో ఒకరు అయినటువంటి సూపర్ స్టార్ రజనీ కాంత్ ఇప్పటివరకు ఎన్నో బ్లాక్ బస్టర్ సినిమాలలో హీరో గా నటించాడు. ఇకపోతే రజనీ కాంత్ హీరో గా రూపొందిన 9 సినిమాలు 100 కోట్లకు పైగా కలెక్షన్లను కొల్లగొట్టాయి. ఈ లిస్టు లో ఈయన ఐదవ స్థానంలో ఉన్నాడు.