ఆ డైరెక్టర్ నటుడవ్వాలనుకున్నాడా.. ఆ ఇద్దరికి ఆడిషన్స్ ఇచ్చిన విషయం మీకు తెలుసా..?
సినిమా ఇండస్ట్రీ లోకి కొంత మంది నటులు అవ్వాలని వచ్చిన కొన్ని పరిస్థితులను కారణంగా అవకాశాలు రాకపోవడంతో ఇతర పనుల్లో మంచి గుర్తింపును సంపాదించుకున్న వారు అనేక మంది ఉన్నారు. ఇక కొంత మంది అసిస్టెంట్ డైరెక్టర్లుగా పని చేసి స్టార్ హీరోలుగా ఎదిగిన వారు కూడా ఉన్నారు. ఇకపోతే టాలీవుడ్ ఇండస్ట్రీ లో దర్శకుడిగా మంచి గుర్తింపును సంపాదించుకున్న వారిలో వెంకీ అట్లూరి ఒకరు. ఈయన ఇప్పటికే చాలా సినిమాలకు దర్శకత్వం వహించాడు. తాజాగా ఈ దర్శకుడు దుల్కర్ సల్మాన్ హీరోగా మీనాక్షి చౌదరి హీరోయిన్గా రూపొందిన లక్కీ భాస్కర్ అనే సినిమాకు దర్శకత్వం వహించాడు.
అక్టోబర్ 31 వ తేదీన విడుదల అయిన ఈ సినిమా అద్భుతమైన టాక్ ను తెచ్చుకొని భారీ కలెక్షన్లను వసూలు చేస్తుంది. దానితో ఈ మూవీ యూనిట్ తాజాగా ఓ ఈవెంట్ ను నిర్వహించింది. అందులో వెంకీ అట్లూరి మాట్లాడుతూ ... నేను మొదట నటుడిని అవ్వాలి అనుకున్నాను. అందులో భాగంగా కొన్ని ఆడిషన్స్ కి కూడా వెళ్లాను. అందులో భాగంగా నేను కొన్ని సంవత్సరాల క్రితం చంద్రశేఖర్ ఏలేటి గారి సినిమా ఆడిషన్స్ వెళ్లాను. ఇక నన్ను దర్శకుడు హను రాఘవపూడి ఆడిషన్ చేశాడు. కానీ ఆయన నన్ను రిజెక్ట్ చేశాడు.
ఇక ఆ తర్వాత కొంత కాలానికి శేఖర్ కమ్ముల దర్శకత్వంలో రూపొందిన ఓ సినిమా ఆడిషన్స్ కి నేను వెళ్లాను. అక్కడ నన్ను నాగ్ అశ్విన్ ఆడిషన్ చేశాడు. అక్కడ నేను ఫెయిల్ అయ్యాను. ఆ తర్వాత నేను దర్శకుడుని అయ్యాను. ఇక నన్ను ఆడిషన్స్ చేసిన ఇద్దరు దుల్కర్ సల్మాన్ కి మంచి హిట్ లు ఇచ్చారు. నేను మంచి హిట్ ఇచ్చాను అని ఆయన తాజాగా వెంకీ ఆట్లూరి చెప్పుకొచ్చాడు. ఇకపోతే ప్రస్తుతం లక్కీ భాస్కర్ సినిమా అదిరిపోయే రేంజ్ కలెక్షన్లను వసూలు చేస్తూ ఫుల్ జోష్లో ముందుకు దూసుకుపోతుంది.