ఏకంగా ప్రభాస్ బ్యూటీతో స్టెప్పులేయ్యనున్న తేజ సజ్జ.. ఈ అప్డేట్తో అంచనాలు అమాంతం పెరగాల్సిందేనా..?
తెలుగు సినీ పరిశ్రమలో నటుడిగా తనకంటూ ఒక మంచి గుర్తింపును ఏర్పరచుకున్న వారిలో యువ నటుడు తేజ సజ్జ ఒకరు. ఈయన చైల్డ్ ఆర్టిస్టుగా ఎన్నో సినిమాలలో నటించి మంచి గుర్తింపును సంపాదించుకున్నాడు. ఇక ఈ మధ్యకాలంలో తేజ హీరోగా వరుస పెట్టి సినిమాలలో నటిస్తూ వస్తున్నాడు. కొంత కాలం క్రితం తేజ హీరోగా రూపొందిన హనుమాన్ సినిమా పాన్ ఇండియా మూవీ గా తెలుగు , తమిళ్ , కన్నడ , మలయాళ , హిందీ భాషలలో విడుదల అయ్యి అదిరిపోయే రేంజ్ విజయాన్ని సాధించింది. ఈ మూవీ తో ఈయనకు ఇండియా వ్యాప్తంగా గుర్తింపు లభించింది.
ఇకపోతే ప్రస్తుతం తేజ , కార్తీక్ ఘట్టమనేని దర్శకత్వంలో రూపొందుతున్న మిరాయ్ అనే సినిమాలో హీరో గా నటిస్తున్నాడు. ఈ సినిమాను పీపుల్స్ మీడియా ఫ్యాక్టరీ బ్యానర్ పై ప్రముఖ నిర్మాత టి జీ విశ్వప్రసాద్ నిర్మిస్తున్నాడు. ఇది ఇలా ఉంటే తాజాగా ఈ సినిమాకు సంబంధించిన ఓ క్రేజీ న్యూస్ సోషల్ మీడియాలో వైరల్ అవుతుంది. ఈ సినిమాలో ఒక అదిరిపోయే ఐటమ్ సాంగ్ ను మేకర్స్ ప్లాన్ చేస్తున్నట్లు , అందులో భాగంగా ఆ ఐటెం సాంగ్ లో నిధి అగర్వాల్ ను మేకర్స్ తీసుకున్నట్లు ఓ వార్త సోషల్ మీడియాలో తెగ వైరల్ అవుతుంది.
ఇకపోతే ప్రస్తుతం నిధి అగర్వాల్ , రెబల్ స్టార్ ప్రభాస్ హీరోగా మారుతీ దర్శకత్వంలో రూపొందుతున్న రాజా సాబ్ సినిమాలో హీరోయిన్గా నటిస్తోంది. అలాగే పవర్ స్టార్ పవన్ కళ్యాణ్ హీరో గా జ్యోతి కృష్ణ దర్శకత్వంలో రూపొందుతున్న హరిహర వీరమల్లు సినిమాల్లో కూడా ఈ బ్యూటీ హీరోయిన్గా నటిస్తోంది. ఇలా టాలీవుడ్ స్టార్ హీరోల సినిమాల్లో హీరోయిన్గా నటిస్తున్న ఈ ముద్దు గుమ్మతో తేజా సజ్జ స్టెప్పులేయ్యబోతున్నట్లు ఓ వార్త వైరల్ అవుతుంది.