తెలుగులో ఎక్కువ సినిమాలు చేయకపోవడానికి కారణం అదే అంటున్న స్టార్ హీరోయిన్... షాక్ అయిన ఫ్యాన్స్..?
తెలుగు చిత్ర పరిశ్రమలో తనదైన ముద్ర వేసిన రష్మిక మందన్న ఇప్పుడు బాలీవుడ్‌లో కూడా దూసుకుపోతోంది. తన అందం, అభినయంతో ప్రేక్షకులను మంత్రముగ్ధులను చేస్తున్న రష్మిక, వరుస ఆఫర్లతో బిజీగా ఉంది. "పుష్ప ది రైజ్" సినిమాతో రష్మిక మందన్నా దేశవ్యాప్తంగా పాపులారిటీని అందుకుంది. శ్రీవల్లి పాత్రలో ఆమె చేసిన నటన ప్రేక్షకులను అలరించింది. దాంతో రష్మిక నేషనల్ క్రష్ గా మారిపోయింది. ఈ సినిమా విజయంతో రష్మిక మందన్నాకు బాలీవుడ్‌లో వరుస అవకాశాలు పెరిగాయి. బాలీవుడ్‌లో "మిషన్ మజ్ను" "గుడ్‌బై" వంటి సినిమాల్లో నటించిన రష్మిక మందన్నా "అల్లు అర్జున్ ది ఫైట్ మాస్టర్" అనే డాక్యుమెంటరీలో కూడా కనిపించింది. ఇక తన కెరీర్‌ లో మరో మైలురాయిగా నిలిచేలా "పుష్ప ది రూల్" సినిమా కోసం రష్మిక మందన్నా ఎంతో కష్టపడుతుంది.
ఈ సినిమాలో ఆమె శ్రీవల్లి పాత్రను మరింత లోతుగా పోషించనుంది. అయితే ఈ నేపథ్యంలోనే తాజాగా ఓ భేటీలో రష్మిక పాల్గొని పలు ఆసక్తికరమైన విషయాలను పంచుకుంది. తనను తాను ఇతరులతో పోల్చుకోవడానికి ఇష్టపడను అని తాను తనలాగే ఉండడానికి ఇష్టపడతాను అంటూ చెప్పుకొచ్చారు. అంతేకాకుండా అందువల్లే అభిమానులు తనకు ఉన్నత స్థానాన్ని ఇచ్చారని నమ్ముతున్నాను అంటూ చెప్పింది. ఇక సినిమా ఇండస్ట్రీలో పురుషాదిక్యం ఉన్న మాట వాస్తవమేనని తేల్చి చెప్పేసింది. కానీ ఇప్పుడు ఆ పరిస్థితి కొంచెం కొంచెం మారుతూ వస్తుందని రష్మిక అభిప్రాయపడింది. ఇప్పుడు ప్రతిభ ఉంటే చాలు అభిమానుల ఆధారణ లభిస్తుందని ఇక తెలుగులో తక్కువ సినిమాలు నటించడానికి గల కారణం కూడా రష్మిక చెప్పుకొచ్చింది.
తెలుగులో మంచి అవకాశాలు వస్తున్నాయి కానీ హిందీ తో పాటు ఇతర భాషలపై దృష్టి పెట్టడం వల్ల తెలుగులో ఎక్కువ సినిమాలు చేయలేకపోతున్నాను అందువల్లే తెలుగు సినిమా అభిమానులు సామాజిక మద్యమాల్లో ఈ విషయం పై తమ అసంతృప్తిని వ్యక్తం చేస్తున్నారని కొందరైతే తనను తిట్టుకుంటున్నారని అన్నారు. కానీ ఇదంతా అభిమానులకు నాపైన ఉన్న అభిమానమే కారణమంటూ చెప్పుకొచ్చింది రష్మిక. దానితో పాటుగా హీరోయిన్ సెంట్రిక్ కథ చిత్రాల్లో ఎందుకు నటించడం లేదని చాలామంది అడుగుతున్నారు. అలాంటి కథ చిత్రాల్లో నటించాలని ఏ నటి అయినా కోరుకుంటారని తాను అందుకు అంతీతం కాదని చెప్పుకొచ్చింది రష్మిక మందాన. ప్రస్తుతం తను మాట్లాడిన వాక్యాలు ఇప్పుడు సోషల్ మీడియాలో వైరల్ గా మారాయి. ఇకపోతే తన మంచి స్నేహితుడు విజయ్ దేవరకొండతో కలిసి మరో సినిమా చేయబోతున్నట్లు వార్తలు వస్తున్నాయి. ఈ జంట కలిసి చేసిన "డియర్ కామ్రేడ్" సినిమా ప్రేక్షకులను ఎంతగా ఆకట్టుకుందో మనకు తెలుసు. కాబట్టి ఈ కొత్త సినిమాపై అంచనాలు భారీగా ఉన్నాయి.