డబ్బింగ్ సినిమాల కంటే దారుణమైన పరిస్థితుల్లో "క".. కేవలం అన్నే థియేటర్స్..?
ఈ సంవత్సరం దీపావళి సందర్భంగా టాలీవుడ్ బాక్సా ఫీస్ దగ్గర అనేక సినిమాలు విడుదల కానున్నాయి. ఇకపోతే ఈ సంవత్సరం దీపావళి సందర్భంగా రేపు అనగా అక్టోబర్ 31 వ తేదీన టాలీవుడ్ యువ నటుడు కిరణ్ అబ్బవరం హీరోగా రూపొందిన క సినిమా విడుదల కానుంది. ఈ మూవీ తో పాటు దుల్కర్ సల్మాన్ హీరోగా మీనాక్షి చౌదరి హీరోయిన్గా వెంకీ అట్లూరి దర్శకత్వంలో రూపొందిన లక్కీ భాస్కర్ సినిమా కూడా రేపే విడుదల కానుంది. శివ కార్తికేయన్ హీరోగా రూపొందిన అమరన్ మూవీ మరియు డబ్బింగ్ సినిమా అయినటువంటి భగీర సినిమాలు కూడా రేపు విడుదల కానున్నాయి.
ఇకపోతే ఈ సినిమాలలో తెలుగు మూవీ అయినటువంటి లక్కీ భాస్కర్ సినిమాకి హైదరాబాద్ నగరంలో భారీ ఎత్తున థియేటర్లు లభించినట్లు తెలుస్తోంది. ఈ మూవీ విడుదల రోజు అనగా అక్టోబర్ 31 వ తేదీన హైదరాబాద్ నగరంలో 401 షో లలో ప్రదర్శితం కాబోతున్నట్లు తెలుస్తోంది. ఇక తమిళ డబ్బింగ్ సినిమా అయినటువంటి ఆమరన్ మూవీకి సంబంధించిన మొదటిరోజు హైదరాబాదు నగరంలో 314 షో లు ప్రదర్శితం కాబోతున్నట్లు తెలుస్తోంది. ఇక మరో డబ్బింగ్ సినిమా అయినటువంటి భగీర కూడా మొదటి రోజు హైదరాబాద్ నగరంలో 202 షో లు ప్రదర్శితం కాబోతున్నట్లు తెలుస్తోంది. ఇక యువ నటుడు కిరణ్ అబ్బవరం హీరోగా రూపొందిన క మూవీ మాత్రం కేవలం మొదటి రోజు హైదరాబాదు నగరంలో 198 షో లు మాత్రమే ప్రదర్శతం కాబోతున్నట్లు తెలుస్తోంది.
ఈ సినిమాపై ప్రస్తుతానికి తెలుగు ప్రేక్షకుల్లో మంచి అంచనాలు ఉన్నాయి. ఈ రోజు ఈ మూవీకి పెయిడ్ ప్రీమియర్స్ కూడా ప్రదర్శించనున్నారు. ఈ పెయిడ్ ప్రీమియర్లకి కనుక ఈ మూవీకి మంచి టాక్ వస్తే ఈ మూవీ కి మంచి ఓపెనింగ్స్ లభించే అవకాశం ఉంటుంది. అలాగే ఈ సినిమా షో లు కూడా పెరిగే ఛాన్స్ చాలా వరకు ఉంటుంది.