మళ్లీ డిసప్పాయింట్ చేయనున్న శంకర్.. కానీ టీజర్ కోసం ఏకంగా అలాంటి పని..?
మెగా పవర్ స్టార్ రామ్ చరణ్ హీరోగా శంకర్ దర్శకత్వంలో గేమ్ చేంజర్ అనే సినిమా రూపొందిన విషయం మన అందరికీ తెలిసిందే. ఈ సినిమాకు ఎస్ ఎస్ తమన్ సంగీతం అందించగా ... శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు ఈ సినిమాను నిర్మించాడు. దర్శకుడు మరియు నటుడు అయినటువంటి ఎస్ జే సూర్య ఈ సినిమాలో విలన్ పాత్రలో కనిపించనుండగా ... కియార అద్వానీ ఈ సినిమాలో హీరోయిన్గా కనిపించబోతుంది. అంజలి , సునీల్ , శ్రీకాంత్ , నవీన్ చంద్ర ఈ మూవీ లో ముఖ్య పాత్రలలో కనిపించబోతున్నారు.
ఈ సినిమాను వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన ప్రపంచ వ్యాప్తంగా విడుదల చేయనున్నట్లు ఈ మూవీ బృందం కొన్ని రోజుల క్రితమే అధికారికంగా ప్రకటించింది. ఇప్పటికే ఈ సినిమా నుండి రెండు పాటలను ఈ మూవీ బృందం వారు విడుదల చేయగా వాటికి మంచి రెస్పాన్స్ జనాల నుండి లభించింది. ఇకపోతే ఈ సినిమా నుండి టీజర్ను రేపు అనగా అక్టోబర్ 31 వ తేదీన దీపావళి పండుగ సందర్భంగా విడుదల చేయనున్నట్లు ఓ వార్త తెగ వైరల్ అయింది. ఆ వార్తలకు తగినట్లుగానే ఈ మూవీ బృందం కూడా కొన్ని రోజుల క్రితం ఈ సినిమా టీజర్ కమింగ్ సూన్ అనే పోస్టర్ను విడుదల చేసింది. దానితో ఈ సినిమా టీజర్ ఖచ్చితంగా దీపావళి సందర్భంగా అక్టోబర్ 31 వ తేదీన విడుదల అవుతుంది అని చాలా మంది అనుకున్నారు.
ఇకపోతే ప్రస్తుతం అందుతున్న సమాచారం ప్రకారం ఈ సినిమా టీజర్ను రేపు అనగా అక్టోబర్ 31 వ తేదీన దీపావళి సందర్భంగా విడుదల చేసే ఆలోచనలో మూవీ బృందం లేనట్లు ఈ మూవీ టీజర్ను నవంబర్ 4 వ తేదీన విడుదల చేసే ఆలోచనలో మేకర్స్ ఉన్నట్లు అందుకు సంబంధించిన అధికారిక ప్రకటన మరికొన్ని రోజుల్లో రాబోతున్నట్లు ఓ వార్త వైరల్ అవుతుంది. ఇలా ఈ సినిమా టీజర్ విడుదల దీపావళి పండుగ సందర్భంగా విడుదల అయ్యే అవకాశాలు లేవు అనే వార్త వైరల్ కావడంతో చరణ్ అభిమానులు కాస్త డిసప్పాయింట్ అవుతున్నట్లు తెలుస్తోంది.