నమ్రత శిరోద్కర్ - పవన్ కళ్యాణ్ కాంబినేషన్లో మిస్ అయిన సినిమా తెలుసా..?

RAMAKRISHNA S.S.
- ( టాలీవుడ్ - ఇండియా హెరాల్డ్ ) . .
టాలీవుడ్ సూపర్ స్టార్ మహేష్ బాబు భార్య నమ్రత శిరోద్కర్ ఒకప్పుడు బాలీవుడ్ లో టాప్ హీరోయిన్గా ఒక వెలుగు వెలిగిన సంగతి అందరికీ తెలిసిందే. ఆమె మాజీ మిస్ ఇండియా. బాలీవుడ్ లో ఎన్నో సూపర్ డూపర్ హిట్ సినిమాలు చేశారు. తెలుగులో నమ్రత ఎంట్రి ముందుగా మెగాస్టార్ చిరంజీవి హీరోగా వచ్చిన భారీ బడ్జెట్ సినిమా అంజి సినిమా తో జ‌రిగింది. ఈ సినిమాలో హీరోయిన్గా నటించారు. ఆ సినిమా అంచనాలు అందుకోలేదు. ఆ సినిమా కోసం నమ్రత చాలా కష్టపడ్డారు. ఆ తర్వాత ఆమె మహేష్ బాబుకు జోడీగా వంశీ సినిమాలో నటించింది.

2000 సంవత్సరంలో ఈ సినిమా రిలీజ్ అయింది. పద్మాలయ స్టూడియో బ్యానర్‌పై సూపర్ స్టార్ కృష్ణ నిర్మించిన ఈ సినిమాకు బి. గోపాల్ దర్శకుడు. ఈ సినిమ అంచ‌నాలు అందుకో లేదు. అయితే నమ్ర‌త , పవన్ కళ్యాణ్ కాంబినేషన్లో కూడా ఓ సినిమా తెరకెక్కాల్సి ఉంది. ఆ సినిమా ఏదో కాదు బాలు. బాలు సినిమాలో ముందుగా దర్శకుడు కరుణాకరన్ న‌మ్ర‌త‌ శిరోద్కర్ ను సంప్రదించారు. అయితే అప్పటికే మహేష్ బాబుతో పీకల్లోతు ప్రేమలో ఉండడంతో పాటు.. పెళ్లి చేసుకోవాలని ఫిక్స్ అయింది. అందుకే ఆమె తెలుగులో పవన్ కళ్యాణ్ పక్కన నటించేందుకు ఇష్టపడలేదని టాక్.

ఈ సినిమా లో ప‌వ‌న్ ప‌క్క‌న న‌టించేందుకు న‌మ్ర‌త ఒప్పుకుని ఉంటే ప‌వ‌న్ - న‌మ్ర‌త కాంబినేష‌న్లో కూడా ఓ సినిమా తెర‌కెక్కి చ‌రిత్ర‌లో అలా నిలిచి పోయి ఉండేది. బాలు సినిమా 2005లో రిలీజ్ అయింది. మహేష్ బాబు, నమ్రత వివాహం కూడా అదే సమయంలో జరిగిన సంగతి తెలిసిందే. అలా పవన్ కళ్యాణ్, న‌మ్ర‌త కాంబినేషన్లో సినిమా మిస్ అయింది.
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

namratha sirodhkar

సంబంధిత వార్తలు: