ప్రభాస్ వల్ల ఆదర్శకుడికి అన్ని కష్టాలేదురయ్యాయా.. కానీ ఆ తర్వాత..?
టాలీవుడ్ ఇండస్ట్రీలో అదిరిపోయే రేంజ్ క్రేజ్ కలిగిన హీరోలలో రెబల్ స్టార్ ప్రభాస్ ఒకరు. ప్రభాస్ ఇప్పటివరకు ఎన్నో బ్లాక్బస్టర్ సినిమాలలో హీరోగా నటించి టాలీవుడ్ ఇండస్ట్రీలోనే కాకుండా ఇండియా వ్యాప్తంగా అద్భుతమైన క్రేజ్ ను సంపాదించుకున్నాడు. కొన్ని సంవత్సరాల క్రితం ప్రభాస్ మున్నా అనే సినిమాలో హీరోగా నటించిన విషయం మనకు తెలిసిందే. ఈ సినిమాకు వంశీ పైడిపల్లి దర్శకత్వం వహించగా ... గోవా బ్యూటీ ఇలియానా ఈ సినిమాలో హీరోయిన్ గా నటించింది. ప్రకాష్ రాజ్ ఈ సినిమాలో విలన్ పాత్రలో నటించాడు. ఈ సినిమాను ప్రముఖ నిర్మాత దిల్ రాజు భారీ బడ్జెట్ తో నిర్మించాడు. భారీ అంచనాల నడుమ విడుదలైన ఈ సినిమా బాక్సా ఫీస్ దగ్గర బోల్తా కొట్టింది.
ఈ సినిమా తోనే వంశీ పైడిపల్లి దర్శకుడిగా కెరియర్ను మొదలు పెట్టాడు. మొదటి సినిమాతోనే ఈయనకు బాక్స్ ఆఫీస్ దగ్గర అపజయం ఎదురైంది. ఇక ఈ సినిమా అనుకున్న స్థాయి విజయాన్ని అందుకోకపోవడంతో ఈ సినిమా దర్శకుడు అయినటువంటి వంశీ పైడిపల్లి చాలా అప్సెట్ అయినట్లు చాలా లో లోకి వెళ్లినట్లు నిర్మాత దిల్ రాజు ఓ ఇంటర్వ్యూలో చెప్పుకొచ్చాడు. అలా ఆయన చాలా లో లోకి వెళ్లడంతో నువ్వు సినిమా బాగానే చేశావు. కథ విషయం లోనే లోపాలు ఉన్నాయి.
కథ విషయంలో లోపాలు లేకుండా చూసుకుంటే నువ్వు బ్లాక్ బస్టర్ విజయాన్ని అందుకోగలవు అని వంశీ పైడిపల్లి కి ధైర్యం చెప్పినట్లు , అలాగే రెండవ మూవీ కూడా చేస్తాను అని మాట ఇచ్చినట్లు దిల్ రాజు ఆ ఇంటర్వ్యూలో చెప్పుకొచ్చాడు. అలాగే కథ విషయంలో రెండవ సినిమాలకు పొరపాట్లు జరగకుండా అనేక మంది రచయితలతో ఆయన బృందావనం కథను రెడీ చేసుకున్నట్లు , దానితో బృందావనం సినిమాని రూపొందించి బ్లాక్ బస్టర్ విజయాన్ని కొట్టినట్లు దిల్ రాజు చెప్పుకొచ్చాడు.