ఏఎన్ఆర్ అవార్డ్స్ వేడుకలో సెంటర్ అఫ్ అట్రాక్షన్ ఎవరో తెలుసా..మొత్తం హడావిడి తనదే.!
నటసామ్రాట్‌ స్వర్గీయ అక్కినేని నాగేశ్వరరావు గారి ప్రతిష్టాత్మక జాతీయ పురస్కార అవార్డు-2024 ప్రధానోత్సవ కార్యక్రమం సోమవారం నాడు హైదరాబాదులోని అన్నపూర్ణ స్టూడియోలో చాలా గ్రాండ్ గా జరిగింది. అయితే ఈ కార్యక్రమానికి సంబందించి అవార్డ్ను అగ్ర నటుడు చిరంజీవికి ఇవ్వనున్నట్టు అక్కినేని కుటుంబం ప్రకటించిన విషయం తెలిసిందే.నిన్న జరిగిన అవార్డు ప్రదానోత్సవ కార్యక్రమంలో చిరంజీవి ఈ అవార్డును అందుకోనున్నారు.ఇక ఈ వేడుకకు ముఖ్య అతిథిగా బాలీవుడ్ బిగ్ బీ అమితాబ్ బచ్చన్ కూడా వచ్చారు. అయితే ఈ వేడుకకు సంబంధించి ఇప్పటికే అక్కినేని ఫ్యామిలీ తో పాటు దగ్గుబాటి ఫ్యామిలీకి చెందిన కుటుంబ సభ్యులు హాజరయ్యారు. ఇక తాజాగా అక్కినేని కుటుంబంలోకి అడుగుపెట్టే కాబోయే కొత్త కోడలు శోభితా ధూళిపాళ్ళ కూడా ఈ వేడుకకు వచ్చింది. లైట్ గ్రీన్ కలర్ సారీలో వచ్చిన శోభితా ఈవెంట్‌కు స్పెషల్ అట్రాక్షన్‌గా నిలిచింది. కాగా ఇందుకు సంబంధించిన వీడియోలు వైరల్‌గా మారాయి.ఇదిలావుండగా అక్కినేని హీరో నాగచైతన్య త్వరలోనే పెళ్లి పీటలెక్కనున్నారు. ఇప్పటికే హీరోయిన్ శోభిత ధూళిపాళ్ల తో ఎంగేజ్‌మెంట్‌ చేసుకున్న చైతూ ఈ ఏడాది డిసెంబర్‌లో వివాహబంధంలోకి అడుగు పెట్టనున్నట్లు తెలుస్తోంది.
కాగా శోభిత తెలుగు అమ్మాయే. ఆంధ్రప్రదేశ్ లోని తెనాలిలో ఆమె పుట్టారు. వైజాగ్, ముంబై లలో చదువుకున్నారు.అనంతరం మోడలింగ్ కెరీర్ గా ఎంచుకుంది. శోభిత బాలీవుడ్ లో హీరోయిన్ గా పరిచయమైంది. తెలుగులో గూఢచారి, మేజర్ చిత్రాల్లో నటించింది. మంకీ మ్యాన్ టైటిల్ తో తెరకెక్కిన హాలీవుడ్ చిత్రం లో సైతం శోభిత నటించింది. మరోవైపు నాగ చైతన్య విడాకులు అనంతరం శోభితకు దగ్గరయ్యాడు. వీరికి పరిచయం ఎలా ఏర్పడింది అనేది తెలియదు. కలిసి ఒక్క సినిమా కూడా చేయలేదు. ప్రస్తుతం నాగ చైతన్య తండేల్ మూవీ చేస్తున్నారు. సాయి పల్లవి హీరోయిన్ కాగా, చందూ మొండేటి దర్శకత్వం వహిస్తున్నారు.