ఆ స్టార్ హీరోను ఫాలో అవుతున్న యువ నటుడు.. మరి రిజల్ట్ ఆ స్థాయిలోనే ఉంటుందా..?
టాలీవుడ్ యువ నటుడు కిరణ్ అబ్బవరం గురించి ప్రత్యేక పరిచయం అవసరం లేదు. ఈయన ఇప్పటివరకు ఎన్నో సినిమాలలో నటించాడు. అందులో కొన్ని సినిమాలు మంచి విజయాలను కూడా అందుకున్నాయి. ఈ నటుడు కొంత కాలం క్రితం వరకు వరుస పెట్టి సినిమాలతో ప్రేక్షకుల ముందుకు వచ్చాడు. కానీ అందులో చాలా తక్కువ సినిమాలే మంచి విజయాలను అందుకున్నాయి. ఈయన ఆఖరుగా రూల్స్ రంజన్ అనే మూవీతో ప్రేక్షకులను పలకరించాడు. ఈ మూవీ బాక్స్ ఆఫీస్ దగ్గర ప్రేక్షకులను ఏ మాత్రం ఆకట్టుకోలేదు.
ఈ నటుడు తాజాగా "క' అనే సినిమాలో హీరోగా నటించాడు. ఈ మూవీ ని దీపావళి సందర్భంగా అక్టోబర్ 31 వ తేదీన విడుదల చేయనున్నారు. కొంత కాలం క్రితం ఈ సినిమాను పాన్ ఇండియా మూవీ గా తెలుగు , తమిళ్ , కన్నడ , మలయాళ , హిందీ భాషలలో విడుదల చేయనున్నట్లు మేకర్స్ ప్రకటించారు. ఇక తాజాగా ఈ సినిమా హీరో అయినటువంటి కిరణ్ అబ్బవరం మాట్లాడుతూ ... కొన్ని పరిస్థితుల కారణంగా ఈ సినిమాలు దీపావళి సందర్భంగా అక్టోబర్ 31 వ తేదీన కేవలం తెలుగు భాషలో మాత్రమే విడుదల చేస్తున్నాం. సినిమాకు మంచి టాక్ వస్తే ఆ తర్వాత నెక్స్ట్ వీక్ ఈ సినిమాను ఇతర భాషల్లో కూడా విడుదల చేస్తాం అని ప్రకటించాడు. ఇకపోతే ఈ మూవీ విడుదల తేదీ దగ్గర పడడంతో తాజాగా ఈ మూవీ బృందం వారు ఓ ఈవెంట్ ను ఏర్పాటు చేశారు. అందులో భాగంగా కిరణ్ మాట్లాడుతూ ... ఈ సినిమా యొక్క ఆఖరి 20 నిమిషాలు అద్భుతంగా ఉంటుంది అని , ఆ 20 నిమిషాలతో సినిమా అదిరిపోయే రేంజ్ కు వెళుతుంది అని చెప్పుకొచ్చాడు.
ఇకపోతే కొంత కాలం క్రితం జూనియర్ ఎన్టీఆర్ "దేవర" అనే సినిమాలో హీరోగా నటించాడు. దేవర సినిమా విడుదలకు ముందు ఆ మూవీ ప్రమోషన్లలో భాగంగా జూనియర్ ఎన్టీఆర్ కూడా దేవర సినిమా యొక్క ఆఖరి 30 నిమిషాలు అదిరిపోయే రేంజ్ లో ఉంటుంది అని చెప్పుకొచ్చాడు. ఇకపోతే దేవర సినిమా బ్లాక్ బస్టర్ విజయం అందుకుంది. మరి "క" సినిమా ఏ స్థాయి విజయాన్ని అందుకుంటుందో చూడాలి.