మెహర్ అన్న నెక్స్ట్ టార్గెట్ ఆ స్టార్ హీరోనే..?
టాలీవుడ్ డైరెక్టర్ మెహర్ రమేష్ గురించి ప్రత్యేకంగా చెప్పాల్సిన పని లేదు.. ఈ దర్శకుడి పేరు వింటేనే టాలీవుడ్ స్టార్ హీరోల ఫ్యాన్స్ లో గుబులు పుడుతుంది.. అంతలా తన సినిమాలతో మెహర్ రమేష్ వారిని భయపెట్టాడు..అయితే మెహర్ రమేష్ గురించి తెలిసిన ఒక ఆసక్తికర విషయం ఏమిటంటే ఆయన పూరీ జగన్నాధ్ వద్ద అసిస్టెంట్ డైరెక్టర్ గా పని చేసారు.. కన్నడ సినిమాలతో దర్శకుడిగా మారాడు.. మెహర్ రమేష్ 2004లో తెలుగులో పూరీ జగన్నాధ్ ఎన్టీఆర్ తో తెరకెక్కించిన ఆంధ్రావాలా సినిమాను కన్నడలో పునీత్ రాజ్ కుమార్ హీరోగా రీమేక్ చేసాడు.. అయితే ఆంధ్రావాలా తెలుగులో డిజాస్టర్ గా నిలిచింది.. కానీ మెహర్ రమేష్ కన్నడ రీమేక్ మాత్రం బ్లాక్ బస్టర్ విజయం సాధించింది.., తెలుగులో 2006లో వచ్చిన మహేష్ సూపర్ హిట్ మూవీ ఒక్కడు సినిమాను కూడా మెహర్ రమేష్ కన్నడలో రీమేక్ చేసి మరో బ్లాక్ బస్టర్ హిట్ ని తన ఖాతాలో వేసుకున్నాడు.. ఇలా వరుస సక్సెస్ లు అందుకోవడంతో మెహర్ తెలుగులో జూనియర్ ఎన్టీఆర్ ని డైరెక్ట్ చేసే ఛాన్స్ కొట్టేసాడు... 2008లో జూనియర్ ఎన్టీఆర్ కంత్రి మూవీతో టాలీవుడ్ కి డైరెక్టర్ గా పరిచయమైన మెహర్ రమేష్‌కు, హీరోని సరికొత్త కోణంలో చూపించినా హిట్ మాత్రం దక్కలేదు. ఆ తరువాత యంగ్ రెబల్ స్టార్ ప్రభాస్ తో అజిత్ బ్లాక్ బస్టర్ మూవీ బిల్లాను రీమేక్ చేసాడు. ఈ సినిమా మాత్రం యావరేజ్ గా నిలిచింది.
అయితే సినిమాలో ప్రభాస్ ని మెహర్ అద్భుతంగా ప్రెజెంట్ చేసాడు.బిల్లా తరువాత కొంత గ్యాప్ తీసుకోని మళ్ళీ జూనియర్ ఎన్టీఆర్ తో శక్తి అనే మూవీని తీశారు.ఈ సినిమా ఎన్టీఆర్ కెరీర్ లోనే బిగ్గెస్ట్ డిజాస్టర్ గా నిలిచింది.. ఈ సినిమా దెబ్బకి నిర్మాత అశ్వినిదత్ కోలుకోడానికి కొన్నేళ్లు పట్టింది.. నమ్మి అవకాశం ఇచ్చిన ఎన్టీఆర్ కు మెహర్ అన్న రెండు సార్లు భారీ రాడ్ దింపాడు.. శక్తి త‌ర్వాత కొద్దిగా గ్యాప్ తీసుకోని విక్టరీ వెంకటేష్ తో ఫ్యామిలీ ఎంటెర్టైనర్ గా ‘షాడో’ అనే సినిమాని డైరెక్ట్ చేయగా ఇది కూడా బాక్సాఫీస్ దగ్గర బోల్తా కొట్టింది. ఇన్ని డిజాస్టర్స్ ఇచ్చిన మెహర్ అన్నకు స్టార్ హీరోలు ఛాన్స్ లు ఎలా ఇస్తున్నారు.. అని చాలా మందిని వేదిస్తున్న ప్రశ్న ఇది.. మెహర్ అన్న అసలు ఏం చెప్పి హీరోలను ఒప్పిస్తాడు అనేది ప్రశ్నగా మారింది.. అయితే దాదాపుగా 10 సంవత్సరాలు టాలీవుడ్ కి దూరమైన మెహర్ రమేష్ కు దూరపు బంధువైన మెగాస్టార్ చిరంజీవి వేదాళ‌మ్ రీమేక్ అప్పగించారు. అదే రీసెంట్ గా రిలీజ్ అయిన భోళా శంకర్. ఈ మూవీ కూడా డిజాస్టర్ లిస్టులోకి చేరింది..దీంతో పాటు బోనస్ గా చిరంజీవి ఇమేజ్ కూడా డ్యామేజ్ అయ్యింది.ఇలా డిజాస్టర్లు ఇచ్చిన మెహర్ రమేష్ వల్ల ప్రొడ్యూసర్స్ కి చాలానే నష్ట‌ం జరిగిందని చెప్పాలి.. ఈ దర్శకుడు ఇక తన తరువాత సినిమాను పవన్ తో ప్లాన్ చేయాలనీ భావిస్తున్నాడు..దీనితో పవన్ ఫ్యాన్స్ అన్నా నీకు దండం అన్నా ఆ సాహసం చేయొద్దన్నా అని బ్రతిమలాడుకుంటున్నారు.. మెహర్ అన్న అంటే ఆ మాత్రం ఉంటది మరీ..