వెట్టయన్ : తెలంగాణలో భారీగా తగ్గించిన టికెట్ ధరలు.. ఏ ఏరియాలో ఎంతో తెలుసా..?
సూపర్ స్టార్ రజనీ కాంత్ తాజా గా టీ జే జ్ఞానవెల్ దర్శకత్వంలో వెట్టయన్ అనే సినిమాలో హీరో గా నటించిన విషయం మన అందరికీ తెలిసిందే . ఈ సినిమా లో మంజు వారియర్ హీరోయిన్గా నటించగా ... అమితా బచ్చన్ , దగ్గుపాటి రానా , ఫహద్ ఫాజల్ ఈ మూవీ లో కీలక పాత్రల లో నటించారు . లైకా ప్రొడక్షన్స్ బ్యానర్ వారు నిర్మించిన ఈ మూవీ కి అనిరుద్ రవిచంద్రన్ సంగీతం అందించాడు. ఈ మూవీ ని ప్రపంచ వ్యాప్తంగా భారీ ఎత్తున అక్టోబర్ 10 వ తేదీన థియేటర్లలో విడుదల చేశారు. ఇకపోతే తాజాగా ఈ మూవీ బృందం వారు ఈ సినిమాకు సంబంధించిన ఒక అదిరిపోయే అప్డేట్ ను ప్రకటించారు.
తాజాగా ఈ మూవీ బృందం వారు తెలంగాణ రాష్ట్రంలో ఈ సినిమాకు సంబంధించిన టికెట్ రేట్లను తగ్గించినట్లు ప్రకటిస్తూ ఏ ప్రాంతంలో ఏ టికెట్ రేట్లు ఈ సినిమాకు ఉండబోతున్నాయి అనే విషయాన్ని కూడా ఈ మూవీ బృందం అధికారికంగా ప్రకటించింది. అసలు విషయం లోకి వెళితే ... వెట్టయన్ సినిమాను డిస్టిక్ సింగల్ థియేటర్లలో 110 రూపాయలకు ప్రదర్శించనున్నట్లు , అలాగే సిటి సింగిల్ థియేటర్లలో 150 రూపాయలకు ప్రదర్శించనున్నట్లు , మల్టీప్లెక్స్ థియేటర్లలో 200 రూపాయలకు ప్రదర్శించనున్నట్లు ఈ మూవీ యూనిట్ తాజాగా అధికారికంగా ప్రకటిస్తూ ఒక పోస్టర్ ను కూడా విడుదల చేసింది.
ప్రస్తుతం ఆ పోస్టర్ సోషల్ మీడియాలో అవుతుంది. మరి ఇలా టికెట్ ధరలను తగ్గించడం వల్ల ఈ సినిమా కలెక్షన్లు ఏమైనా పెరుగుతాయా అనేది చూడాలి. ఇకపోతే ఈ సినిమాలో రజనీ కాంత్ పోలీస్ ఆఫీసర్ పాత్రలో నటించాడు. ఈ సినిమాకు తమిళనాడు ఏరియాలో మాత్రం అద్భుతమైన కలెక్షన్లు దక్కుతున్నాయి.