రవితేజను స్టార్ చేయడానికి ఇన్ డైరెక్ట్ గా సహాయపడిన పవన్.. ఇంతకీ ఏం జరిగిందో తెలుసా..?
తెలుగు సినీ పరిశ్రమలో ప్రస్తుతం మంచి గుర్తింపు కలిగిన నటుడిగా కెరియర్ను కొనసాగిస్తున్న వారిలో రవితేజ ఒకరు. ఈయన కెరియర్ ప్రారంభంలో కొన్ని సినిమాలకు అసిస్టెంట్ డైరెక్టర్గా పని చేశాడు. ఆ తరువాత సినిమాలలో చిన్న చిన్న పాత్రల్లో నటిస్తూ వచ్చాడు. ఆ తర్వాత సినిమాల్లో విలన్ , ముఖ్య , కీలక పాత్రలలో కూడా చాలా సంవత్సరాల పాటు నటించాడు. ఆ తర్వాత ఈయన సినిమాల్లో హీరోగా నటించిన సినిమాలు మంచి విజయాలను సాధించడంతో చాలా తక్కువ కాలంలోనే ఈయన తెలుగు సినీ పరిశ్రమలో మంచి క్రేజ్ ఉన్న హీరోగా మారిపోయాడు. టాలీవుడ్ ఇండస్ట్రీ లో స్టార్ హీరోలలో ఒకరు అయినటువంటి పవన్ కళ్యాణ్ , రవితేజ అద్భుతమైన స్థాయి ఉన్న హీరోగా మారడానికి ఇన్ డైరెక్ట్ గా సహాయ పడ్డాడు.
అది ఎలా అనుకుంటున్నారా .? పవన్ కళ్యాణ్ దగ్గరకు వచ్చిన కొన్ని కథలను ఆయన రిజెక్ట్ చేయడం వల్ల ఆ దర్శకులు ఆ సినిమాలను రవితేజ తో రూపొందించారు. ఆ మూవీలు బ్లాక్ బాస్టర్ విజయాలను అందుకున్నాయి. అలా రవితేజ మంచి స్థాయికి చేరుకున్నాడు. పవన్ కళ్యాణ్ రిజెక్ట్ చేసిన ఏ సినిమాలు రవితేజ దగ్గరకు వెళ్లాయి. ఆ సినిమాలు ఎలాంటి విజయాలను అందుకున్నాయి అనే వివరాలను తెలుసుకుందాం.
ఒక ఇంటర్వ్యూలో భాగంగా పూరి జగన్నాథ్ మాట్లాడుతూ ... పవన్ కళ్యాణ్ గారికి ఇడియట్ , అమ్మానాన్న తమిళ అమ్మాయి పోకిరి సినిమాల కథలను వినిపించినట్లు ఆయన మాత్రం ఆ సినిమాలు చేయలేదు అని చెప్పాడు. ఇక ఈ సినిమాలలో ఇడియట్ , అమ్మానాన్న తమిళ అమ్మాయి సినిమాలలో రవితేజ హీరోగా నటించాడు. ఈ మూవీ బ్లాక్ బాస్టర్ అందుకున్నాయి. ఈ మూవీలు మాత్రమే కాకుండా రాజమౌళి "విక్రమార్కుడు" సినిమా కథను మొదటగా పవన్ కళ్యాణ్ కు వివరించగా ఆయన రిజెక్ట్ చేయడంతో ఆ సినిమా ఆఫర్ రవితేజకు వెళ్లిందట. అలా పవన్ రిజెక్ట్ చేసిన మూడు సినిమాలలో రవితేజ నటించి మూడింటితో కూడా మంచి విజయాలను అందుకున్నట్లు తెలుస్తోంది.