అనిరుధ్ పుట్టినరోజుకు అదిరిపోయే గిఫ్ట్ ఇచ్చిన నాగ వంశీ.. ఇన్ని రోజుల వెయిటింగ్ కి తేరపడింది..?
టాలీవుడ్ ఇండస్ట్రీ లో మంచి గుర్తింపును సంపాదించుకున్న దర్శకులలో గౌతమ్ తిన్ననూరి ఒకరు. ఈయన మళ్ళీరావా అనే సినిమాతో దర్శకుడిగా కెరియర్ను మొదలు పెట్టాడు. ఈ మూవీ తర్వాత జెర్సీ అనే సినిమాకు దర్శకత్వం వహించాడు. ఈ రెండు సినిమాలు కూడా మంచి విజయాలను అందుకున్నాయి. జెర్సీ మూవీ ని హిందీ లో షాహిద్ కపూర్ హీరో గా జెర్సీ అనే టైటిల్ తోనే గౌతమ్ రూపొందించాడు. ఈ మూవీ మాత్రం బాక్సాఫీస్ దగ్గర బోల్తా కొట్టింది. ఇకపోతే కొంత కాలం ఈయన విజయ్ దేవరకొండ హీరోగా ఓ మూవీ ని చేయనున్నట్లు అనౌన్స్ చేశాడు. ఇక విజయ్ మాత్రం ది ఫ్యామిలీ స్టార్ మూవీ పై సమయాన్ని కేటాయించడంతో ఆ గ్యాప్ లో గౌతమ్ మ్యాజిక్ అనే ఒక చిన్న సినిమాను రూపొందించాడు. ఈ మూవీ కి అనిరుద్ రవిచంద్రన్ సంగీతం అందించాడు. ఇకపోతే చాలా రోజుల క్రితమే ఈ సినిమా షూటింగ్ పూర్తి అయినా కూడా ఈ మూవీ విడుదల తేదీని మాత్రం ఈ మూవీ బృందం వారు ప్రకటించలేదు.
ఇకపోతే ఈ రోజు ఈ సినిమాకు సంగీతం అందించిన అనిరుధ్ రవిచంద్రన్ పుట్టిన రోజు సందర్భంగా ఈ మూవీ బృందం ఆయనకు పుట్టిన రోజు శుభాకాంక్షలు తెలియజేస్తూ ఈ సినిమా విడుదల తేదీని ప్రకటించింది. ఈ సినిమాను ఈ సంవత్సరం డిసెంబర్ 21 వ తేదీన విడుదల చేయనున్నట్లు ఈ మూవీ బృందం వారు అధికారికంగా ప్రకటిస్తూ ఓ పోస్టర్ ను విడుదల చేశారు. విడుదల చేసిన పోస్టర్లో ఒక అమ్మాయి , ముగ్గురు అబ్బాయిలు ఉన్నారు. ఈ పోస్టర్ ను బట్టి చూస్తే ఈ మూవీ యూత్ ఫుల్ ఎంటర్టైనర్ మూవీ అని అర్థం అవుతుంది. మరి ఈ సినిమా ఏ స్థాయి విజయాన్ని అందుకుంటుందో తెలియాలి అంటే మరి కొంత కాలం వేచి చూడాల్సిందే. ప్రస్తుతానికి మ్యాజిక్ సినిమాపై తెలుగు ప్రేక్షకుల్లో మంచి అంచనాలే నెలకొని ఉన్నాయి.