ధైర్యానికే భయం చూపిస్తానంటున్న దేవర ఆ విషయంలో ఫియర్ గా ఉన్నాడా..?
జూనియర్ ఎన్టీఆర్ హీరోగా కొరటాల శివ దర్శకత్వంలో దేవర పార్ట్ 1 మూవీ రూపొందింది. ఈ సినిమాను సెప్టెంబర్ 27 వ తేదీన విడుదల చేయనున్నారు. ఈ మూవీ లో అనేక మంది ధైర్యవంతులు ఉండబోతున్నారు అని , వారికి ఎంత ధైర్యం ఉంటుంది. మితి మీరిన ధైర్యం మంచిది కాదు. అలాంటి వారందరికీ భయం పుట్టించే పాత్రలోనే జూనియర్ ఎన్టీఆర్ "దేవర" మూవీలో కనిపించబోతున్నట్లు ఈ మూవీ యూనిట్ చెబుతూ వస్తుంది. ఇకపోతే ఈ మూవీ యూనిట్ మాత్రం ఓ విషయంలో కాస్త ఫియర్ అయినట్టు తెలుస్తుంది. అదేమిటి అంటే ఈ మూవీ బృందం సెన్సార్ కార్యక్రమాలను చాలా రోజుల క్రితం పూర్తి చేసింది.
అదే సమయంలో ఈ మూవీ యొక్క రన్ టైమ్ ను కూడా లాక్ చేసినట్లు వార్తలు వచ్చాయి. ఈ మూవీ 2 గంటల 57 నిమిషాల నిడివితో ప్రేక్షకుల ముందుకు రానున్నట్లు ఓ వార్త అయింది. దానితో దాదాపు మూడు గంటల రన్ టైమ్ తో ఈ సినిమా ప్రేక్షకుల ముందుకు రానున్న నేపథ్యంలో ఈ సినిమాలో కంటెంట్ ఫుల్ గా ఉంటే ఏమీ కాదు కానీ ఏ కాస్త తేడా కొట్టినా కూడా ఈ సినిమాకు నెగిటివ్ టాక్ వచ్చే అవకాశం ఉంది అని వార్తలు వచ్చాయి. ఇక ఈ మూవీ బృందం కూడా వెంటనే ఈ సినిమా రన్ టైమ్ ను కొంత శాతం తగ్గించింది.
ఇక ఈ సినిమా నుండి మేకర్స్ కొంత కాలం క్రితం ఒక ట్రైలర్ను విడుదల చేశారు. అది ఆచార్య మూవీ కి దగ్గరగా ఉంది అనే నెగటివ్ టాక్ వచ్చింది. దానితో వెంటనే ఈ మూవీ బృందం కొన్ని రోజుల క్రితం ఈ సినిమా రిలీజ్ ట్రైలర్ పేరుతో మరో ట్రైలర్ ను విడుదల చేసింది. అది మాత్రం చాలా ఫ్రెష్ గా ఉంది. ఇలా ఈ సినిమా నిడివి విషయంలో , ట్రైలర్ పై వచ్చిన నెగిటివ్ కామెంట్స్ విషయంలో ఈ మూవీ యూనిట్ కాస్త ఫియర్ ఫీలై వెంటనే వాటిని సర్దుబాటు చేసినట్లు తెలుస్తోంది.