దిమ్మతిరిగే రీతిలో 'దేవర' అడ్వాన్స్ బుకింగ్స్... ఇప్పటికే ఇదే రికార్డ్!
ప్రస్తుతం తెలుగు రాష్ట్రాల్లోనే కాకుండా, యావత్ ఇండియా అంతటా దేవర ఫీవర్ నడుస్తోంది. మ్యాన్ ఆఫ్ మాసెస్ జూనియర్ ఎన్టీఆర్ లేటెస్ట్ సెన్సేషన్ ‘దేవర’ విడుదల కోసం ప్రేక్షకులు వేయి కళ్ళతో ఎదురు చూస్తున్నారు. కొరటాల శివ డైరెక్ట్ చేసిన ఈ సినిమాపైన భారీగా అంచనాలు నెలకొన్నరాయి. పూర్తి యాక్షన్ డ్రామా మూవీగా తెరకెక్కిన ‘దేవర’ సినిమాపై అభిమానులు ఆశలు పెట్టుకున్నారు. ఇప్పటికే రిలీజ్ అయిన ఈ సినిమా పోస్టర్స్, టీజర్, ట్రైలర్స్ ఈ మూవీపై మరింత అంచనాలు పెంచేశాయి. కాగా, ‘దేవర’ మూవీ రిలీజ్కి ముందే రికార్డులను క్రియేట్ చేస్తూ సత్తా చాటుతోంది. ఈ సినిమా ప్రీ-సేల్స్ అద్భుతంగా ఉన్నాయని ట్రేడ్ వర్గాలు చెబుతున్నాయి.
అదే విధంగా ఇప్పటికీ దేవర సినిమా ఓవర్సీస్ బాక్సాఫీస్ దగ్గర కళ్లు చెదిరే కలెక్షన్స్ రాబడుతోందని టాక్ వినబడుతోంది. ఇప్పటికే 1.75 మిలియన్ డాలర్స్ ప్రీ-సేల్స్ రూపంలో కలెక్ట్ చేసిందని చెప్పుకున్నాం. కాగా ‘దేవర’, ఒక్క సినీమార్క్ థియేటర్ చైన్లోనే 1 మిలియన్ డాలర్లు వసూళ్లు రాబట్టడం కొత్త విషయం అని చెప్పుకోవచ్చు. ఇలా రిలీజ్కి ముందే ‘దేవర’ రికార్డులకు హద్దు లేకుండా పోతుందని అభిమానులు పండగ చేసుకుంటున్నారు. ఇక సినిమా రిలీజ్ తరువాత ఈ రికార్డులు ఏ స్థాయికి చేరుతాయో చూడాలి మరి! జాన్వీ కపూర్, సైఫ్ అలీ ఖాన్, శ్రీకాంత్ తదితరులు ఇతర ముఖ్య పాత్రల్లో నటిస్తున్న ‘దేవర’ చిత్రానికి అనిరుధ్ సంగీతం అందించిన సంగతి తెలిసినదే.