అఫీషియల్ : ఆ తేదీన జపాన్ లో జవాన్ రిలీజ్..!
హిందీ సినీ పరిశ్రమలో స్టార్ హీరోలలో ఒకరు అయినటువంటి షారుక్ ఖాన్ కొంత కాలం క్రితం జవాన్ అనే స్టైలిష్ యాక్షన్ ఎంటర్టైనర్ మూవీ లో హీరో గా నటించిన విషయం మనకు తెలిసిందే. ఈ మూవీ కి కోలీవుడ్ డైరెక్టర్ అట్లీ దర్శకత్వం వహించాడు. ఈ సినిమాలో షారుక్ ఖాన్ డ్యూయల్ రోల్ లో నటించాడు. ఒక పాత్రలో తండ్రిగానూ , మరొక పాత్రలో కొడుకు గానూ నటించాడు. ఇకపోతే ఈ సినిమాలో దీపికా పదుకొనే , నయనతార హీరోయిన్లుగా నటించారు. అనిరుద్ రవిచంద్రన్ ఈ సినిమాకు సంగీతం అందించాడు.
ఇకపోతే భారీ అంచనాల నడుమ పోయిన సంవత్సరం సెప్టెంబర్ 7 వ తేదీన విడుదల అయిన ఈ సినిమా బాక్స్ ఆఫీస్ దగ్గర బ్లాక్ బాస్టర్ టాక్ ను తెచ్చుకొని ఏకంగా 1000 కోట్లకు పైగా కలెక్షన్లను ప్రపంచ వ్యాప్తంగా రాబట్టింది. ఇక బాక్స్ ఆఫీస్ దగ్గర సూపర్ సక్సెస్ అయ్యి 1000 కోట్లకు పైగా కలెక్షన్లను రాబట్టిన ఈ సినిమాను మరికొన్ని రోజుల్లోనే జపాన్ లో విడుదల చేయనున్నారు. తాజాగా అందుకు సంబంధించిన అధికారిక ప్రకటన కూడా వెలువడింది. ఈ మూవీ బృందం వారు ఈ సినిమాను జపాన్ లో ఈ సంవత్సరం నవంబర్ 29 వ తేదీన విడుదల చేయనున్నట్లు అధికారికంగా ప్రకటిస్తూ ఓ పోస్టర్ ను కూడా విడుదల చేశారు.
ప్రస్తుతం ఆ పోస్టర్ వైరల్ అవుతుంది. ఇకపోతే ఈ సినిమాలో తమిళ నటుడి విజయ సేతుపతి విలన్ పాత్రలో నటించాడు. మరి ఇప్పటికే బ్లాక్ బస్టర్ విజయాన్ని అందుకొని భారీ కలక్షన్లను వసూలు చేసిన ఈ సినిమా జపాన్ ఆడియన్స్ ను ఏ స్థాయిలో ఆకట్టుకుంటుందో , అక్కడ ఏ రేంజ్ కలెక్షన్లను వస్తువులు చేస్తుందో తెలియాలి అంటే మరికొన్ని రోజులు వేచి చూడాల్సిందే.