అకస్మాత్తుగా కనిపించడం మానేసిన అందాల యాంకరమ్మ.. ఇప్పుడిప్పుడే మళ్లీ బిజీ అవుతోంది!
తెలుగులో ప్రస్తుతం యాంకర్ సుమ కనకాల హవా నడుస్తోంది. ఈవెంట్ ఏదైనా ఆమె మాటలు వినిపించాల్సిందే. తనదైన వ్యాఖ్యానంతో కార్యక్రమానికి సరికొత్త శోభ తెస్తోంది. అలాంటి సుమకు ఓ అందాల యాంకరమ్మ పోటీ అనుకున్నారు. అందం, అభినయం కలగలసిన రూపం ఆమెది. తన మాటల గలగలలతో ప్రేక్షకులకు కట్టేపడేసింది. బుల్లితెర, వెండి తెరపైన కూడా ఆమె ఆడిపాడింది. సినీ, టీవీ ప్రేక్షకులను ఆమె ఎంతగానో ఆకట్టుకుంది. అయితే అంతలోనే ఆమె ప్రేక్షకులకు కనిపించడం మానేసింది. దీంతో తమ అభిమాన యాంకర్ కనిపించకపోయే సరికి ఫ్యాన్స్ ఢీలా పడ్డారు. అయితే తిరిగి ఇప్పుడిప్పుడే ఆ అందాల యాంకర్ తన జర్నీ ప్రారంభించింది. ఆమె ఎవరో కాదు.. యాంకర్ ఉదయ భాను. పెళ్లయ్యాక ఆమెకు ట్విన్స్ పుట్టారు. దీంతో భర్త, పిల్లల ఆలనాపాలనా చూసుకోవడంలో ఆమె బిజీ అయిపోయింది. తిరిగి ప్రేక్షకులను తన వ్యాఖ్యానంతో అలరించేందుకు సిద్ధమైంది. ఇప్పుడిప్పుడే కొన్ని టీవీ షోలలో కనిపిస్తూ సందడి చేస్తోంది.