బాలయ్య మూవీ లేట్ అవ్వడానికి కారణం అదేనా..?
నందమూరి నటసింహం బాలకృష్ణ పోయిన సంవత్సరం రెండు మూవీలతో ప్రేక్షకులను పలకరించాడు. బాలకృష్ణ పోయిన సంవత్సరం మొదటగా సంక్రాంతి పండుగ సందర్భంగా వీర సింహా రెడ్డి అనే మూవీ తో ప్రేక్షకుల ముందుకు వచ్చి మంచి విజయాన్ని అందుకున్నాడు. ఆ తర్వాత దసరా పండుగ సందర్భంగా భగవంత్ కేసరి అనే మరో మూవీ తో ప్రేక్షకుల ముందుకు వచ్చాడు. ఈ మూవీ కూడా మంచి విజయాన్ని అందుకుంది. ఇక పోయిన సంవత్సరం రెండు మూవీలతో ప్రేక్షకుల ముందుకు వచ్చి రెండింటితో భారీ విజయాలను అందుకున్న బాలయ్య ఈ సంవత్సరం మాత్రం ఒక్క మూవీ తో కూడా ప్రేక్షకుల ముందుకు వచ్చే అవకాశాలు కనబడడం లేదు.
ప్రస్తుతం బాలకృష్ణ , బాబీ దర్శకత్వంలో "N B K 109" అనే వర్కింగ్ టైటిల్ తో రూపొందుతున్న సినిమాలో హీరోగా నటిస్తున్నాడు. ఇక ఇప్పటివరకు ఈ సినిమాకు సంబంధించిన టైటిల్ ను గాని , విడుదల తేదీని కానీ మేకర్స్ అధికారికంగా ప్రకటించలేదు. ఇక ఈ మూవీస్ షూటింగ్ స్టార్ట్ అయిన కొత్తలో ఈ సినిమాను ఈ సంవత్సరం అక్టోబర్ నెలలో విడుదల చేసే అవకాశం ఉంది అని ఓ వార్త వైరల్ అయింది. ఆ తర్వాత ఈ మూవీ ని ఈ సంవత్సరం డిసెంబర్ నెలలో విడుదల చేసే అవకాశం ఉంది అని మరో వార్త వైరల్ అయింది. ఇక ప్రస్తుతం ఈ మూవీ ని వచ్చే సంవత్సరం సంక్రాంతి పండుగ సందర్భంగా విడుదల చేసే అవకాశం ఉంది అని మరో వార్త వైరల్ అవుతుంది.
కానీ అందుకు సంబంధించిన అధికారిక ప్రకటన మాత్రం ఇప్పటివరకు వెలువడలేదు. ఇక ఈ మూవీ షూటింగ్ లేట్ కావడానికి కారణం మధ్యలో బాలయ్య ఎలక్షన్ల వైపు ఇంట్రెస్ట్ చూపడంతో ఆ సమయంలో షూటింగ్ జరగలేదు అని , అందుకే ఈ మూవీ కాస్త డిలే అవుతుంది అని చాలా మంది అభిప్రాయ పడుతున్నారు. ఏదేమైనా వరుస విజయాలతో ఫుల్ జోష్ లో ఉన్న బాలయ్య నటిస్తున్న సినిమా కావడంతో "N B K 109" మూవీ పై ప్రేక్షకుల్లో భారీ అంచనాలు ఉన్నాయి.