'స్పిరిట్' సినిమా స్క్రిప్ట్ పై ట్విస్ట్ ఇచ్చిన దర్శకుడు...?
పాన్ ఇండియా స్టార్ ప్రభాస్ తాజాగా వర్డ్స్ సినిమాలు చేస్తూ దూసుకుపోతున్న విషయం అందరికీ తెలిసిందే. ఈయన తాజాగా నటించిన కల్కి 2898 ఎడి సినిమా ఎంతటి ఘన విజయాన్ని అందుకుందో తెలిసింది. ఇక ఈ సినిమా తర్వాత ప్రభాస్ ది రాజా సాబ్ సినిమా షూటింగ్ లో బిజీగా ఉన్నారు. పాన్ ఇండియాగా తెరకెక్కబోతున్న ఈ సినిమాని మారుతి దర్శకత్వం వహిస్తున్నారు. ఇక ఇది కాసేపు పక్కన పెడితే సందీప్ రెడ్డి వంగా దర్శకత్వంలో రూపొందుతున్న స్పిరిట్ సినిమా పై అంచనాలు అంతే ఎక్కువ గా ఉన్నాయి. ఇప్పుడు ఈ సినిమా స్క్రిప్ట్ గురించి కొత్త అప్డేట్ వచ్చింది. గత కొన్ని నెలలుగా 'స్పిరిట్' సినిమా ప్రీ-
ప్రొడక్షన్ పనులు జరుగుతున్నాయి. ఇప్పుడు తాజా సమాచారం ప్రకారం ఈ సినిమా స్క్రిప్ట్ వర్క్ పూర్తయింది. సందీప్ రెడ్డి వంగా తనదైన శైలిలో ఈ స్క్రిప్ట్ ను రూపొందించినట్లు తెలుస్తోంది. ఈ సినిమా కథలో ప్రభాస్ పాత్ర వైల్డ్ ఎలిమెంట్స్ తో బోల్డ్ గా సాగుతుందని, పైగా ప్రభాస్ డ్యూయెల్ రోల్ లో కనిపించబోతున్నాడని. ప్రభాస్ కెరీర్ లో ఇంతకు ముందు ఎప్పుడూ చూడని విధంగా ఈ సినిమాలో ప్రభాస్ కనిపించబోతున్నాడు అని వార్తలు వినిపిస్తున్నాయి. అంతే కాకుండా ఇప్పటికే ఈ సినిమాలో ప్రభాస్ పవర్ ఫుల్ మాఫియా డాన్ గా కనిపిస్తాడని.. ముఖ్యంగా ప్రభాస్ పాత్రలోని డెప్త్ కూడా నెవ్వర్ బిఫోర్ అనే రేంజ్
లో ఉంటుందని టాక్ వచ్చింది. ఇకపోతే ప్రభాస్ నుంచి అభిమానులు ఎలాంటి స్టైల్ లో ఏదైతే బలంగా కోరుకుంటున్నారో అదే ఈ సినిమాలో ఉంటుందని తెలుస్తుంది. దాదాపు రూ.400 కోట్లకు పైగా బడ్జెట్‌ తో ఈ సినిమా తెరకెక్కనుంది. ప్రభాస్ 'స్పిరిట్' సినిమా తెలుగు సినీ ప్రేమికులందరికీ ఎంతో ఆసక్తికరంగా మారింది. ఈ సినిమా భారీ విజయం సాధిస్తుందని అభిమానులు అంచనా వేస్తున్నారు. ఈ సినిమా గురించి తాజా అప్డేట్స్ కోసం అభిమానులు ఆసక్తిగా ఎదురు చూస్తున్నారు.