స్పీడ్ అంటే నానిదే.. ఒకటి కంప్లీట్ అయింది రెండింటితో రెడీ..?
చాలా సంవత్సరాల క్రితం తెలుగు సినీ పరిశ్రమలో స్టార్ హీరోలుగా కెరియర్ను కొనసాగించిన దాదాపు అందరూ హీరోలు కూడా ఒక్క సంవత్సరానికి నాలుగు , ఐదు సినిమాలతో ప్రేక్షకుల ముందుకు వచ్చేవారు. కాస్త అటు ఇటు అయినా కనీసంలో కనీసం రెండు , మూడు సినిమాలతో ప్రేక్షకుల ముందుకు వచ్చేవారు. కానీ ప్రస్తుతం పరిస్థితులు మారాయి. టెక్నాలజీ అద్భుతమైన స్థాయిలో పెరిగినా కూడా కొంత మంది స్టార్ హీరోలు కనీసం సంవత్సరానికి ఒక్క సినిమాతో కూడా ప్రేక్షకుల ముందుకు రాలేకపోతున్నారు. ఒక్కో స్టార్ హీరో ఏకంగా ఒక్కో మూవీ కి రెండు , మూడు సంవత్సరాలు కూడా తీసుకుంటున్నాడు.
ఇక టాలీవుడ్ ఇండస్ట్రీ లో మీడియం రేంజ్ హీరోల పరిస్థితి కాస్త మెరుగ్గా ఉన్న వారిలో చాలా మంది కూడా పెద్ద స్పీడుగా సినిమాలను ప్రేక్షకుల ముందుకు తీసుకురాలేకపోతున్నారు. కానీ నాచురల్ స్టార్ నాని మాత్రం అద్భుతమైన స్పీడ్ లో సినిమాలను ప్రేక్షకుల ముందుకు తీసుకువస్తున్నాడు. ఏదో ఒక సంవత్సరం ఈయన తక్కువ సినిమాలతో ప్రేక్షకుల ముందుకు వస్తున్న చాలా ఎక్కువ సంవత్సరాలు అద్భుతమైన స్థాయిలో సినిమాలను ప్రేక్షకుల ముందుకు తీసుకువస్తూ జనాలను ఆకట్టుకుంటున్నాడు. ఇకపోతే తాజాగా నాని హీరోగా రూపొందిన సరిపోదా శనివారం సినిమా థియేటర్లలో విడుదల అయింది.
ఈ మూవీ మంచి టాక్ ను తెచ్చుకొని ప్రస్తుతం అద్భుతమైన కలెక్షన్లను వసూలు చేస్తుంది. ఇకపోతే ఈ సినిమా విడుదల అయిందో లేదో నాని మరో రెండు మూవీలను ఇప్పటికే లైన్ లో పెట్టేసాడు. మరికొన్ని రోజుల్లోనే నాని , శైలేష్ కొలను దర్శకత్వంలో ఓ మూవీని శ్రీకాంత్ ఓదెలా దర్శకత్వంలో మరో మూవీ ని మొదలు పెట్టనున్నాడు. ఈ సినిమాలో షూటింగ్ లను కూడా నాని ఫుల్ స్పీడ్ గా పూర్తి చేసి చాలా తక్కువ రోజుల్లోనే ప్రేక్షకుల ముందుకు తీసుకురాబోతున్నట్లు తెలుస్తుంది.