100 కోట్ల క్లబ్ లోకి చేరిన విక్రం తంగలాన్.. ఆ రికార్డ్ కూడా బ్రేక్..!?
కోలీవుడ్ సూపర్ స్టార్‌ చియాన్ విక్రమ్ నటించిన పీరియాడికల్ చిత్రం తంగలాన్. భారీ అంచనాల మధ్య ఈ మూవీ ఆగస్టు 15న థియేటర్లలో విడుదలైంది. రిలీజ్‌ రోజు నుంచే పాజిటివ్‌ టాక్‌ రావడంతో బాక్సాఫీస్ వద్ద మంచి వసూళ్లు రాబట్టింది. పా రంజిత్ డైరెక్షన్‌లో ఈ మూవీని స్టూడియో గ్రీన్ పతాకంపై నిర్మించారు. బాక్సాఫీస్ వద్ద తంగలాన్ సూపర్ హిట్ కావడంతో మేకర్స్ సెలబ్రేట్ చేసుకున్నారు. ఈ సందర్భంగా చిత్రయూనిట్ సభ్యులు, అభిమానులతో కలిసి సక్సెస్ మీట్ నిర్వహించారు. ఈ సందర్భంగా ఈవెంట్‌కు హాజరైన అభిమానులకు హీరో విక్రమ్ స్వయంగా భోజనం వడ్డించారు. విక్రమ్ ప్రస్తుతం తంగలాన్ స‌క్సెస్‌తో ఫుల్
ఎంజాయ్ చేస్తున్నాడు. అప్పుడెప్పుడో అప‌రిచితుడు త‌ర్వాత ఆ రేంజ్‌లో విక్ర‌మ్‌కు హిట్ వ‌చ్చిందంటే తంగలాన్ అనే చెప్పాలి. చియాన్ విక్రమ్ కెరీర్‌లోనే భారీ వసూళ్లు రాబట్టిన సినిమాగా ఈ మూవీ రికార్డు క్రియేట్ చేసింది. బాక్సాఫీసును షేక్ చేసిన ఈ మూవీ హిందీ వెర్షన్‌లో ఈ నెల (సెప్టెంబరు)6 వ తారీకున గ్రాండ్‌గా విడుదల చేయనున్నారు మేకర్స్. ఈ సందర్భంగా బాలీవుడ్‌లో వరుస ప్రమోషన్స్‌లో పాల్గోంటుంది మూవీ టీం. అయితే పా. రంజిత్ దర్శకత్వం వహించిన ఈ బ్లాక్ బస్టర్ చిత్రం 100 కోట్ల రూపాయలకు పైగా కలెక్షన్లను రాబట్టింది. పా.రంజిత్ దర్శకత్వంలో వచ్చిన ఈ భారీ బడ్జెట్‌ మూవీలో చియాన్ విక్రమ్ హీరోగా
నటించగా, మాళవిక మోహన్ హీరోయిన్ నటించింది. పార్వతి, పశుపతి, డేనియల్‌ కాల్టాడిరోన్‌ వంటీ నటీనటులు కీలక పాత్రల్లో నటించారు. ఈ మేరకు మూవీ మేకర్స్ స్టూడియో గ్రీన్, నీలం ప్రొడక్షన్స్ సంయుక్తంగా ఓ ప్రకటనలో విడుదల చేసి సంతోషాన్ని వ్యక్తం చేసింది. ప్రస్తుతం చిత్ర బృందం ఈ ఆనందంలో పండుగ చేసుకుంటోంది. తరతరాలుగా చెన్నై నుంచి కోలార్‌కు వలస వచ్చిన నివాసితులు నివసించే ప్రదేశంలో ఈ మూవీ చిత్రికరించారు...!!